Փաստ ինֆո

Քաղաքաշինության և հողի վարչության կողմից 689 շինարարական օբյեկտներում իրականացված ուսումնասիրությունների արդյունքում արձանագրվել է, որ փոշելկանիչ ցանցերով ապահովման ենթակա են 164 օբյեկտ, որոնցից պատշաճ ապահովված են թվով 33-ը, 54-ը կրում են ձևական բնույթ, մնացած օբյեկտների նկատմամբ հարուցվել են համապատասխան վարչական վարույթներ և կձեռնարկվեն համապատասխան միջոցներ՝ թերությունները վերացնելու համար։ Այս մասին զեկուցվեց Երևանքի քաղաքապետարանի այսօրվա գործակարգավարական խորհրդակցության ընթացքում։

Քաղաքապետ Տիգրան Ավինյանը հետաքրքրվեց, թե արդյոք այս մասով օրենսդրական փոփոխություններն ընդունվել են։ Պարզվեց՝ դեռ ընդունված չեն։ Քննարկվում է նաև առանձին նախագիծ, որով ընդհանուր բոլոր լրացուցիչ նորմերի պահանջների չկատարելու համար տուգանքի գումարի բարձրացում է նախատեսում։ Նախագիծը դեռ պետք է քննարկվի կառավարությունում։

Ավինյանը նշեց. «Տևական ժամանակ է նման նախաձեռնություններ ունենք, որոնք պտտվում, պտտվում՝ տեղ չեն հասնում։ պետք է հասկանանք, թե էդ որտեղ են պտտվում անընդհատ»։

Աղբյուր` Փաստինֆո