Փաստ ինֆո

Ոսկեպարում գյուղացիները փաստել են, որ այդտեղ ադրբեջանցիներ են եղել, ինչ-որ աշխատանքներ են կատարել, ասում են՝ ծառեր են կտրել: Կիրանցում այսօր լրագրողներին հետ զրույցում ասել է ՀՀ ԱԺ պատգամավոր Գառնիկ Դանիելյանը:

Հիշեցնենք, որ Ոսկեպարում ադրբեջանցիների հայտնվելու մասին պատգամավորը բարձրաձայնել էր դեռ երեկ՝ Դիլիջանում տեղի ունեցած ակցիայի ժամանակ՝ նշելով, որ անմիջապես գնում են Ոսկեպար՝ պարզելու, թե ինչ է եղել։

Պատգամավորի արձանագրմամբ՝ իշխանությունը փորձում է ուժով և խաբեությամբ ավարտին հասցնել սկսած գործընթացը:
«Իշխանությունները ամեն կերպ փորձում են իրենց առջև դրված խնդիրը կատարել՝ թուրքին բերել, նստացնել այս վայրերում: Գյուղացիների անհանգստության պատճառներից մեկն էլ այն է, որ Ադրբեջանի սահմանապահ զորքերը, միայն անունով են սահմանապահ, իրականում դա ադրբեջանական բանակն է՝ նույն զինտեխնիկայով, ուղղակի այլ հագուստով: Իսկ մեր սահմանապահը ընդամենը զինված է կալաշնիկով, ուրիշ ոչինչ չունի: Նրանք իրար հավասարազոր չեն»,- փաստել է պատգամավորը։

Աղբյուր` Փաստինֆո