Փաստ ինֆո

Ես պատերազմ չեմ ուզում, ես սարսափում եմ պատերազմից, բայց չեմ էլ ուզում, որ մեր հողերը տան, թուրք ազգին ո՞վ չգիտի, Բուլղարիայում Գուրգեն Մարգարյանին կացնահարող Սաֆարովին աշխարհը նրան հերոսացրեց։ Հիմա թուրքը գալու է մտնի Տավուշ ու էնտեղի ժողովրդին մեծ վտանգներ է սպասվում։ Այս մասին «Փաստինֆո»-ի տաղավարում ասաց երգչուհի, դերասանուհ Արմինե Գրիգորյանը։

«Ես քաղաքականությունից հեռու մարդ եմ, բայց հասկանում եմ, պիտի տանք, որովհետև իրենց հողերն է, բայց իրենք էլ 2020թ-ին եկել նստել են մեր հողերում, բա ինչո՞ւ ենք միակողմանի տալիս։ Ասում են, որովհետև ուժեղ են։ Ուրեմն սա՞ է աշխարհը։

Սա հավասար փոխզիջում չէ։ Նիկոլ Փաշինյանի նախկին ելույթներն եմ նայում, որտեղ ասում է՝ միայն փոխզիջմամբ, իսկ էսօր ասում է, պիտի տանք, որովհետև իրենք մեզանից ուժեղ են, սա նորմալ չէ։
Եթե իրոք իրենց հողերն են՝ կողմ կլինեի տալ, բայց դա աբորիգեն ազգ է, այն ազգն է, որ մարդ են մորթում, վիզ են կտրում, խոշտանգում են»։

Նա ընդգծեց, որ տավուշցիները այս սահմանազատումից հետո վտանգված են լինելու։ «Հիմա էլ գողություններ, մարդ տանել , սպանել է լինելու, մի բան, որ տարիների ընթացքում տեսել ենք;

էն օրը մեկն ասում է՝ 2020 թ-ին աշխարհը մեզ չպաշտպանեց, միջազգային ճանաչված չէր Արցախը։ Հիմա մենք եթե աշխարհի ուզածով սահմանազատում ենք՝ աշխարհը թույլ չի տա հարձակվե՞ն։ Ոչ, աշխարհը առաջին 6 ամիս կնայի, հետո ձեթից կզրկի կամ յոդից, էդպես է, չէ՞, մի բանից զրկում են, կյանքը ցույց է տվել, որ պետք չի հավատալ իրենց։
Գիտեք, կարծում եմ՝ էս անգամ աշխարհը շատ շուտ ռեակցիա կտա, որովհետև աշխարհին պետք է, որ Ադրբեջանը հարձակվի մեզ վրա, որ իրենք, զենք էլ ուղարկեն, իբրև թե օգնեն մեզ, որ մեր երկիրն էլ ՈՒկրաինա ու Սիրիա դարձնեն, որպեսզի դրանով ռուսին վնասեն։

Էս ամենն արվում այն բանի համար, որ ադրբեջանցիներն իսկապես հարձակվեն մեզ վրա, իրենք էլ կողքից օգնեն, որ ռուսին էստեղից հանենն։ Մեզնից «козел отпущения» են դարձնելու»։

Անդրադառնալով Նիկոլ Փաշինյանի պաշտոնավարման 6 տարիներին՝ նա նշեց, որ իր մոտ առաջին հիասթափությունը պատերազմից մի քանի ամիս առաջ էր։

«Մայիսի 7-8 -ին, ես սկսեցի նկատել սարսափելի սուտը, համեմատել, հիշել, թե ինչեր են ասվել ու արվել ու հասկանալ, ինչ է արվում․․․ Այս ընթացքում այնքան այլանդակություններ տեսա, այնքան, սուտ, կեղծիք ու չարիք, դժբախտություններ։ Պետք է շտապ ճանապարհել այս իշխանությանը, ինչ արեցին սրաք էս ազգի հետ, էդ հրաշք մարդկանց հետ, ապականեցին, վարկաբեկեցին, կոտրեցին, փչացրեցին։ Սիրո հեղափոխությունը դարձավ չարիքի հեղափոխություն է դարձել»։

Անդրադառնալով Ծիծեռնակաբերդի հուշահամալիրում Աննա Հակոբյանին «Նիկոլ ցեղասպան», «Նիկոլ դավաճան» վանկարկումներով դիմավորելուն՝ նա նկատեց, որ կրքերը թեժանում են ու այդ կինը փորձում էր հասարակության տրամադրությունները ստուգել։ «ՔՊ-ականները պետք է հասկանան, թե ինչ է սպասվում իրենց երեխաներին։ Նախ երեխային բերել են, իրենց շահի համար օգտագործեն, կարծում եք 18 թվականն է՞, բոլորը պիտի գան ձեր դեմը չոքե՞ն, մարդիկ չեն կարողանում զգացմունքները զսպեն։ Շատ անկանխատեսելի կարող էր ամեն բան ավարտվել։ Այս դեպքում հասարակության տրամադրություններն էին ստուգում, բայց ոչ տեղն էր, որ չէլ ժամանակը»,- արձանագրեց մեր զրուցակիցը։

Աղբյուր` Փաստինֆո