Փաստ ինֆո

Բռնազավթված Դադիվանքի վանահայրը՝ Հայր Դերենիկը, Կիրանցում է։

Նա բողոքի մասնակիցների հետ զրուցել է միասնության կարևորության մասին։

«Ազգային հարցերի շուրջ, գաղափարական հարցերի շուրջ առաջ պիտի լինի միասնականություն։ Միասնականության մեջ առաջին պայմանն է սերը, երկրորդը՝ հարգանքը։Եթե անունով մենք միասնականություն ենք կոչում, բայց իրար նկատմամբ սեր ու հարգանք չունենք, դա կդառնա միայն խոսք ու այդ խոսքով միայն մենք իրար կսկսենք իրար չհարգել չսիրել» ,- ասել է վանահայրը։

Նշենք, որ Կիրանցում սկիզբ առաջ պայքարի արդեն 7-րդ օրն է։ Տավուշի սահմանամերձ գյուղերի բնակիչները ոտքի են կանգնել ընդդեմ իշխանությունների նախաձեռնած ապօրինի սահմանազատման։

Ինչպես արդեն հայտնել ենք՝ ապրիլի 19-ին տեղի է ունեցել Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովների 8-րդ հանդիպումը, որի արդյունքում արձանագրություն է ստորագրվել եւ համաձայնեցվել են սահմանագծի առանձին հատվածները, անմիջականորեն Բաղանիս (ՀՀ) – Բաղանիս Այրում (ԱՀ), Ոսկեպար (ՀՀ) – Աշաղը Ասկիպարա (ԱՀ), Կիրանց (ՀՀ) – Խեյրումլի (ԱՀ) և Բերքաբեր (ՀՀ) – Կըզըլ Հաջիլի (ԱՀ) բնակավայրերի միջև՝ Խորհրդային Միության փլուզման պահի դրությամբ գոյություն ունեցող իրավաբանորեն հիմնավորված միջհանրապետական սահմանին համապատասխանեցնելու նպատակով։ 4 գյուղ, որոշ ճանապարհներ ու անգամ գերեզմանատներ ՀՀ իշխանությունները մտադիր են հանձնել Ադրբեջանին, ինչը լուրջ անհանգստություն է առաջացրել Տավուշում, քանի որ այդպիսով կարեւոր ենթակառուցվածքներ կանցնեն ադրբեջանական հսկողության տակ, պաշտպանական առաջնագիծն ամբողջությամբ կփլուզվի։

Աղբյուր` Փաստինֆո