Փաստ ինֆո

Ես անկեղծ շատ ուրախ եմ, որ հասել ենք նրան, որ սյուներ ենք տեղադրում և սահման ենք ֆիքսում։ Այս մասին լրագրողների հետ զրույցում ասաց ԱԺ նախագահ Ալեն Սիմոնյանը։

«Սահման ենք ստանում։ Միակողանի զիջու՞մ է՝ սահման ունենալը, հավանական հարձակվող կողմից մեր հայկական սահմանը ճանաչե՞լը, դա զիջու՞մ է։ Հայկական որևէ տարածք հանձնվե՞լ է։ Մարդկանց ոնց որ գժի տեղ դնեն։ Ով պատահի, ով դեպի ինտերնետ մուտք ունի, որոշում է ասի «հանձնում են»: Վզից բռնես, հարցնես՝ այդ ի՞նչն են հանձնում, սկսում է հեքիաթներ պատմել և ցնդաբանություններ ասել: ՀՀ տարածքից որևիցե մեկը ոչ մի բան չի հանձնում: Որտեղ մենք ենք առաջ՝ մենք ենք հետ քաշվում, որտեղ Ադրբեջանն է առաջ՝ ինքն է հետ քաշվելու։ Իսկ Սդրբեջանն ունի՞ գրաված բնակավայր կամ հսկողության տակ որևէ հայկական բնակավայր։ Եթե կա նման բնակավայր, թող ասեն անունները։ Ես կարող եմ ասել այն բնակավայրերի անունները, որոնք Ադրբեջանի կողմից բարձրացվում է, հայկական կողմից, ուզում եմ հասկանալ, այդ քննադատողները կամ Դուք, կարո՞ղ եք ասել»,- հայտարարեց Սիմոնյանը։
Դիտարկմանը, որ Տավուշն ամենապաշտպանված տարածքն էր, ինչու այդ հատվածից սկսեց, Սիմոնյանն արձագանքեց․ «Հիմա դա ավելի պաշտպանված տարածք է, հասկանու՞մ եք։ Այսինքն՝ երբ դու այդ գծի վրա հավանական հարձակվողի կողմից հարցեր և սակարկումներ չես ունենում, ֆիքսում ես՝ այս գծում դու ես, այստեղ՝ ես։ Այսինքն՝ մենք կարող ենք պատ կառուցել, դիրքեր դնել և այլն, հետո իրենք գնան բայրաքթարներով, տանկերով հարձակվեն, մենք էլ ասենք՝ պաշտպանված են»։

Ըստ Սիմոնյանի՝ իր երաշխիքը սահմանն է, որը ճանաչել է Ադրբեջանը։

Ըստ Սիմոնյանի՝ պետք է հանել պատերազմական մտածելակերպը։

Աղբյուր` Փաստինֆո