Փաստ ինֆո

Մենք գիտակցում էինք մի բան, որ տղամարդը, մարդը չի ապրում ստամոքսի համար, ապրում է՝ պատվի համար։ Մենք աշխարհին ապացուցում էինք, որ այս ժողովուրդը չի ուզում մորթվի, բայց այս արյունը կոտրվեց, հայրենասիրությունը փշրեցին։ Այսօր բերվել են բախտախնդիր մարդիկ, որոնք իրավունք չունեն հող զիջելու՝ թեկուզ մի թիզ։ Այս մասին լրագրողների հետ զրույցում ասաց «Արաբո» ջոկատի հրամանատար Մանվել Եղիազարյանը։

«Մենք թույլ չենք, մեզ այսպիսին դարձրել են։ Արտերկիրն ամեն ինչ արել է, որ ազգային ոգի չլինի ու ժողովրդին բերել հասցրել են այս վիճակի մեջ, բայց չարաչար սխալվում են, որովհետև մենք ցանկացած պահի կարող ենք կռվել։ Անգամ այս հոգեբանական ծանր վիճակում Ադրբեջանը մեզ համար վտանգավոր չէ, ամեն մի հայ տղամարդ պետք է գիտակցի, որ կյանքի փեշից պետք չէ։ Տղամարդու ամենամեծ արժեքը նա է, որ փորձության պահին կյանքը տա հայրենիքին»,- ասաց Եղիազարյանը։

Նա հայտնեց, որ երբեք ԵԿՄ-ից չի եղել, միշտ ընդդիմություն է եղել՝ Մանվելին էլ։ Նրա խոսքով՝ ամեն ոք չպետք է խոսի կռվող մարդկանց մասին։

Աղբյուր` Փաստինֆո