Փաստ ինֆո

Կիրանց գյուղի մի քանի տուն, գերեզմանատներ գտնվում են Ադրբեջանին հանձնվող տարածքում։ Այդ մասին այսօր ասել է գնդապետ Միհրան Մախսուդյանը՝ նշելով, որ մարդիկ ունեն ինքնասիրություն, արժանապատվություն ու պայքարում են իրենց գերեզմանները թուրքին չհասնեն։

Նշենք, որ գնդապետը ակտիվ մասնակցում է ընդդեմ ապօրինի սահմանազատման աշխատանքներին ու այսօր նրան հրավիրել են զինվորական քննչական գլխավոր վարչություն՝ հարցաքննության։ Նա համոզված է, որ իրեն կանչելու պատճառը իր դիրքորոշումն է՝ ապօրինի սահմանազատման վերաբերյալ

ԶՔԳՎ-ի մոտ լրագրողների հետ զրույցում գնդապետը նշել է, որ ինքը եւս պայքարում է, որ իր տունը չանցնի թշնամուն։ Հայրենի սահմանների համար մղված պատերազմում նա կորցրել է եղբորը, հորը, պապուն, ասում է՝ այդ արյունը դեռ չի սառել, վերքը դեռ իր վրա է։

«Պայքարում եմ իմ գյուղի համար, ասում են՝ եկեք ադրբեջանցիների հետ, թուրքի հետ ապրեք, եթե Հայաստանում կա մարդ, որը կարող է թուրքի հետ ապրել, ես իմ տունը Ոսկեպարում տալիս եմ, Կիրանցի ժողովուրդն էլ է տալիս, թո՛ղ գան բնակվեն, ապրեն իրենց ընտանիքներով, իրենց երեխեքին էլ տանեն Ոսկեպարի կամ Կիրանցի դպրոց։Ես պատրաստ չեմ նման քայլի գնալու։ Ես չեմ վախենում՝ քրեական գործող կամ ինձ կալանավորելով, ես չեմ վախենում ես իմ ճանապարհն ընտրել եմ՝ ազատություն կամ մահ, ազատություն կամ բերդ, այդ երեք ճանապարհն է ինձ համար, վերջ։Եթե դրանով փորձում են ինձ լռեցնել, ես չեմ լռելու»,- նշել է Մախսուդյանը։

Նա միաժամանակ արձանագրել է, որ սահմանազատման այս գործընթացով նախատեսվում է, որ Ոսկեպարի եկեղեցուց մի քանի մետր հեռավորության վրա գտնվելու է ադրբեջանցին։

«Մենք այլեւս կարո՞ղ ենք այդ եկեղեցում ապահով մոմ վառել, եկեղեցուց 3 մ հեռավորոոթյան, որ թուրքը կանգն՝, եկեղեցին մերը չի լինելու։ Ու թուրքն էլ մտածում է, թե տենց կանգնելո՞ւ է»,- նշել է գնդապետն ու ավելացրել` «Ոսկեպարը, Բաղանիսը, Կիրանցը կորցրինք, հաջորդ քայլը Վանաձորն է , Իջևանն է, Ալիևն ասելու է Երևանն էլ է իմը։Մենք էլ ասելու ենք, դե լավխ Երևանն էլ հանձնենք, Էջմիածինում մնանք։ Ինձ համար ավելի լավ է մեռնեմ այս հողի վրա՝ ձեռք բերելով պատիվ, քան փախչեմ դավաճանի պես»։

Աղբյուր` Փաստինֆո