Փաստ ինֆո

Հնդիկ կինը դիմել է ոստիկանություն սիրեկանի ու նրա կնոջ շանտաժի պատճառով։ Այս մասին հայտնում է Hindustan Times-ը։

28-ամյա կինը, ում անունը չի նշվում, ամուսնացել է 2013 թվականին։ Ամուսնության ընթացքում նա երկու երեխա է ունեցել։ Իսկ 2020 թվականին հնդկուհին իր ամուսնուն պատկանող խանութում հանդիպել է Ռաֆիկ անունով տղամարդու։ Նա հաճախ էր մտնում խանութ և շփվում իր հետ, և ժամանակի ընթացքում նրանք սիրավեպ են սկսել։ Այդ մասին իմացել է կնոջ ամուսինը, և նա ստիպված է եղել մի քանի ամսով հեռանալ տնից։ Այնուհետև նա վերադարձել է ամուսնու մոտ՝ պայմանով, որ խզելու է Ռաֆիկի հետ բոլոր հարաբերությունները, սակայն սիրեկանը սկսել է սպառնալ, որ կտարածի նրա ինտիմ լուսանկարները։ Կինը որոշել է շարունակել շփումը նրա հետ, շուտով վիճել է ամուսնու հետ և ստիպված է եղել կրկին հեռանալ տնից։

2021 թվականին նա տեղափոխվել է Ռաֆիկի և նրա կնոջ մոտ։ Դրանից հետո, ըստ նրա, Ռաֆիկը կնոջ աչքի առաջ բազմիցս բռնաբարել է իրեն։ Զույգը նաև ստիպել է կնոջը յափնջի հագնել և նամազ անել օրական հինգ անգամ։ Վերջապես, սպառնալիքների և շանտաժի միջոցով նրանք փորձել են համոզել կնոջը, որ նա իսլամ ընդունի։ Նրանք խոստացել են ընտանիքին և հարազատներին ուղարկել նրա ինտիմ լուսանկարները, եթե նա չփոխի կրոնը, ամուսնալուծվի ամուսնուց և չամուսնանա Ռաֆիկի հետ։

Դրանից հետո կինը դիմել է ոստիկանություն և հայտնել, որ շանտաժի և բռնության զոհ է դարձել։ Ռաֆիկին և նրա կնոջը ձերբակալել են։

Աղբյուր` Փաստինֆո