Փաստ ինֆո

Կառավարության դիմաց քաղաքացիներն այս պահին ինքնաբուխ ակցիաներ են իրականացնում։ Տարբեր հասարակական, քաղաքական կազմակերպություններ միմյանցից անկախ հավաքվել են Հանրապետության Հրապարակում՝ ի աջակցություն Տավուշում քաղաքացիների ընդվզման։

Մասնավորապես, Փաշինյանի հրաժարականը պահանջող «Բաբոն տեր է» կազմակերպության անդամները հավաքվել են «Արթնացիր», «Բաբոն տեր է մայր Հայաստանին» պաստառներով և վանկարկում են «Մանդատ չունես հայրենիքը հանձնելու», «Ոչինչ զիջելու մանդատ չունես», «Հեռացիր», «Գնա»։

«Կամք» նախաձեռնության անդամ Վահագն Չախալյանը քաղաքացիներին կոչ է անում դուրս գալ փողոց։ «Այս իշխանություններին հաշված օրեր են մնացել, բայց երբ իրենք ամբողջ Հայաստանը հանձնեն՝ դրանից հետո քանի՞ կոպեկ արժի այն, թե իրենք իշխանություն են կորցնելու»։

Հասարակական գործիչ Կարին Տոնոյանն ասաց, որ անելանելի իրավիճակներ չկան, սակայն այս իրավիճակից միակ իրական դուրս բերողը ժողովուրդը կարող է լինել։
«Ցավոք․ մենք այսօր տեսնում ենք, որ մեր ժողովուրդը դարձել է ֆեյսբուքահայություն, մենք գրում ենք, կարծիքներ արտահայտում, իմ մի գրառման տակ 100-ներով գրում են, թե՝ ասեք ուր գանք։ Հիմա հաստատ բոլորը տսնում են, որ այստեղ ենք, կապ չունի ինչ հույս ունենք, ի վերջո, մարդ չի կարողանում տանը նստել։

Ընդամնեը մի քանի տարի առաջ անհավանական կլիներ մտածել, որ հայ ոստիկանը կարող է մարդկանց պահել, որ ժողովուրդը չխանգարի, իսկ հայ զինվորը իր ձեռքով կականազերծի հայոց դաշտերը և հայոց եկեղեցու տարածքը և կհանձնի թուրքին, սրանից ավելի մեծ անպատվաբերություն, արժանապատվության անկում հնարավոր չէր պատկերացնել։

Ես հիմա ափսափում եմ, որ իմ որդուն զոհել եմ այս ժողովրդի համար։ Ես այս ժողովրդի մեջ միշտ տեսել եմ հերոսի, պայքարողի։ Այս կյանքում մի բան կա, որ հաստատ է, այն որ բոլորս ի վերջո հրաժեշտ ենք տալու կյանքին, կարելի է պատվով մահանալ, և կա անպատվաբեր մահ։ Մեզ հասցրել են նրան, որ մենք այսօր երանի ենք տալիս մեր զավակներին, որ պատվով գնացին»։

Աղբյուր` Փաստինֆո