Փաստ ինֆո

Սահմանազատման փաստաթղթերին ծանոթացել եմ ու այն, որ մենք ունենալու ենք հնարավորություն՝ ունենալու դե յուրե սահմանազատված սահմանի որոշակի հատված՝ տալիս է լուրջ հիմք հետագա իրավական գործընթացների համար։ Այս մասին ԱԺ-ում լրագրողների հետ զրույցում ասաց ԱԺ պետաիրավական հարցերով մշտական հանձնաժողովի նախագահ, ՔՊ-ական Վլադիմիր Վարդանյանը։

«Կա որոշակի հատված պետական սահմանի, որ կարող ենք համարել պետական սահման, կա պայմանավորվածություն, որ սահմանը պետք է անցկացվի Ալմա-Աթայի հռչակագրի հիման վրա։ Սա, ըստ էության, նշանակում է, որ Խորհրդային Միության վարչական սահմանը հիմք է հանդիսանում սահմանի սահմազատման և սահմանագծման համար։ Սա նշանակում է սահմանազատման աշխատանքներն իրականացվում են այս կտորի վրա և այդ կտորի վրա սահմանազատման համար համաձայնություն է ձեռք բերվել։ Այս համաձայնության վերաբերյալ գոհունակություն են արտահայտել թե եվրոպական կառույցները, թե ՄԱԿ-ի գլխավոր քարտուղարը, թե բոլոր այն դերակատարները, որոնք ներգրավված են այս գործընթացներում։ Ցանկացած դեպքում՝ պայմանավորվածությունը, որը երկու կողմերի համար դիտարկվում է որպես արդյունավետ լուծում՝ դրական է»։

Հարցին, թե ինչու ենք միակողմանի զիջումների գնում՝ Վարդանյանն ասաց, որ եթե «միակողմանի» բառը հնչեցնելն ու լսելն է խնդիրը, ուրեմն լրագրողը սենսացիայի հետևից է ընկել։ «Ես չեմ կարող ասել միակոմանի է, թե ոչ։ Ալմա- Աթայի հռչակագրի տրմաբանությունն այն է, որ ով՝ ինչ վարչական սահմաններ ունեցել է Խորհրդային Միության փլուզման օրը՝ այդ սահմաններն են դիտվում որպես պետական սահման»։
Դիտարկմանը, թե ըստ այդ հռչակագրի՝ Ջերմուկն էլ է ՀՀ ինքնիշխան տարածք, բայց այս պահին ադրբեջանցիները հետ չեն գնացել ՀՀ ինքնիշխան տարածքից՝ Վարդանյանն ասաց, որ իրական քաղաքականությունը կառուցվում է նրա վրա, որ փորձ է կատարվում գտնել այն հատվածները, որտեղ հնարավոր է գալ կոնսենսուսի և շարունակել աշխատել։ «Ի վերջո, փոխադարձ վստահությունը շատ ավելի կարևոր է։ Իհարկե, կան ուժեր, որոնք չեն ցանկանում, որ ՀՀ սահմանների կայունություն և չեն ցանկանում սահմանների անվտանգության մակարդայի բարձրացում, հակված եմ այն կարծիքին, որ մենք պետք է անենք ամեն ինչ, որպեսզի ունենանք հնարավորինս հստակ, իրավականորեն ընդունելի սահմանագծված սահման՝ բոլոր հարևանների հետ, որը հիմնված է լինելու Ալմա-Աթայի սկզբունների վրա։ Որոշ ուժեր փորձում են գործընթացներին միջամտելով՝ վիճեցնել գործընթացը, բայց փոխվստահությունը հարևաների հետ բավականին երկարատև գործընթաց է։ Ինչ վերաբերում է տավուշցիներին, եթե ինչ-որ մեկը չի եղել Նախիջևանի սահմանին, ապա ասեմ, որ այնպես չէ, որ Երևանը սահմանից շատ հեռու է, երկորդը՝ որևէ մեկը չի ցանկանում թշնամուն բերել ՀՀ տարածք, միանշանակ, պետք է ելնենք այն սկզբունքից, որ պետք է իրավականորեն ընդունելի սահմանազատված սահման ունենանք՝ հիմք ընդունելով այն վարչական սահմանները, որ եղել Խորհրդային Միության փլուզման օրը»։

Աղբյուր` Փաստինֆո