Փաստ ինֆո

«Տավուշը ներքին դիմադրության շարժում է, դիմադրություն՝ պետության դեգրադացիայի դեմ», - Նման դիտարկմամբ է հանդես եկել հայկական օրակարգ նախագծի համահիմնադիր , ԱԺ նախկին պատգամավոր Վահե Հովհաննիսյանը ։

Նրա արձանագրմամբ՝ դիմադրությունը Տավուշից է սկսվում, բայց լուծումը Տավուշում չէ, Ոսկեպարում չէ։

«Ոսկեպարից սարքեցինք միֆական 300 սպարտացիների լեգենդը, թե Ոսկեպարը պիտի դիմադրի, ինչի՞ն, եթե խոսքը գնում է Հայաստանի պետականության մասին։Եթե այդ շեշտադրումով ենք առաջնորդվելու, ապա կորցնելու ենք»,- վստահեցրեց Վահե Հովհաննիսյանը՝ նշելով, որ խնդիրը համապետական է, իսկ լուծումը՝ Երեւանի կարևորագույն շենքերում։
«Դեգրադացիա է, երբ պետության դեմքերը պետական անվտանգային հարցերը գյուղացու հետ քննակում են 50 մ այն կողմ կանաչի ցանելու կոնտեքստում, այս տեմպով Հայաստանը չի դիմանա իր գիշատիչ հարևաններին, բավական լուրջ ինստիտուտներով, ռազմավարական մտածողությամբ հարևաններին»,- նշեց Հովհաննիսյանը։

Նա ուշադրություն հրավիրեց այն հանգամանքի վրա, որ Փաշինյանն անկախություն հասկացությունն անգամ աղճատում է. «Ես ուզում եմ այն անկախությունը, երբ Հայաստանը 2 շքեղ ճանապարհով կապված էր Արցախի հետ, Արցախում հայ ժողովուրդն էր ապրում և անվտանգ էր։ Հիմա իր պատկերացումով անկախությունը ո՞րն է, որ պատերազմ չլինի՞»։ Ես վստահ եմ, եթե դու վերափոխես քո պատկերացումներն անկախության մասին՝ ո՛չ պատերազմ է լինելու, ո՛չ էլ նվաստացում, դեռ կարող ես տասնամյակներով հետ բերել, սա է խնդիրը»,- նշեց նա՝ օրինակ բերելով Մերձբալթյան երկրների անկախության տեսակը, ԵՄ այլ երկրների անկախության տեսակը, երբ շատ հարցեր որոշվում է Բրյուսելում։ Վահե Հովհաննիսյանը նկատեց, որ այնպիսի տեմպերով են մեր շուրջը զարգանում իրադարձությունները, որոնք չենք նկատել, թե ինչպես են տարածաշրջանում մեզ թարս աչքով նայում։

«Ապրիլի 5-ի բրյուսելյան հանդիպումից հետո նոր իրավիճակ ենք ստացել, տարածաշրջանային մեկուսացման մեջ ենք։ Կենցաղային լեզվով ասած՝ մեզ մեր ռեգիոնը թարս աչքով է նայում»,- արձանագրել է Հովհաննիսյանը։

Նրա խոսքերով՝ «Դեր Զորի ճանապարհին հայերը չէին մտածում, որ առաջին համաշխարհայինի նրբություններն են, պետք է կոտորվեն, ուղղակի մարդիկ կոտորվում են. «Ես չեմ ուզում, որ հաջորդ մեծ գաղթը Լաչինի միջանցքից հետո լինի Հայաստանի մնացած հատվածինը։ Պետք է իրակապես նոր, սոլիդ իշխանություն, որը կկանգնեցնի այս դեգրադացիան և մեր երկրին կբերի դեէսկալացիա»,- ասաց Վահե Հովհաննիսյանը։

Աղբյուր` Փաստինֆո