Փաստ ինֆո

Ակնհայտ է, որ Իրանը մեր տարածաշրջանում նոր ճարտարապետության կերտման մեջ ունի կարևոր դերակատարություն, այս հատվածում իրանական ռեսուրսների հնարավոր զբաղվածությունը որոշակի մարտահրավերներ կարող է ստեղծել մեզ համար»,- այսօր լրագրողների հետ զրույցում ասել է իրանագետ Վարդան Ոսկանյանը։

Նրա գնահատմամբ՝ Իրանը զսպող դերակատար է Բաքվի բարբարոսական վարչախմբի ախորժակի համար՝ հատկապես «Թուրանական» միջանքի համատեքստում։

«Եթե, Աստված մի արասցե, Իրանը լայնածավալ պատերազմի մեջ ներքաշվի,ապա կարող է ստեղծվել լրացուցիչ ռիսկ առ այն, որ իրանական ռեսուրսները չեն բավարարի , որպեսզի կառավարվի իրավիճակը հարավկովկասյան տարածաշրջանում։ Այդ լայնածավալ պատերազմի վտանգն անշուշտ կա, բայց շատ իրատեսական չի թվում։ Որևէ մեկը չի կարող երաշխավորել, որ վաղը դիցուկ Իսրայելում ինչ որոշում կկայացնեն կամ որևէ այլ համաշխարհային կենտրոնում, ուղղակի ակնհայտ է, որ առնվազն խոշոր խաղացողներին տարածաշրջանային լայնածավալ պատերազմը ձեռնտու չէ»,- ասել է Ոսկանյանը՝ մանրամասնելով, որ խոսքը գնում է, թե՛ Միացյալ Նահանգների, թե՛ ԵՄ երկրների մասին, որոնք, կարծեք թե, փորձում են զսպել Նեթանյահուի կառավարությանը։

«Դատելով այսօրվա տեղեկատվությունից՝ Թավրիզի ուղղությամբ նույնպես անօդաչու է աշխատել, հիմա հակասական են տեղեկությունները, հաճախ ապատեղեկատվությունն ու տեղեկատվությունը խառնվում է, բայց եթե Թավրիզին վրա անօդաչու սարք է աշխատել և իրանական ՀՕՊ-ը դա չեզոքացրչել է, ապա ակնհատ է, որ այդ ԱԹՍ-ը պետք է օդ բարձրացած լիներ Ադրբեջան կոչվող արհեստածին տարածքից, կամ դրա կողմից բռնազավթված Արցախի հանրապետության տարածքից»,- նշել է Ոսկանյանը։

Նրա խոսքերով՝ միայն ջրից դուրս հատվածն է երևում, հետևաբար որևէ կասկած չունի անդրկուլիսյան մակարդակում Ադրբեջանը լիովին կիսում և սատարում է Իսրայելին՝ հակաիրանական գործողությունների համատեքստում։

Աղբյուր` Փաստինֆո