Փաստ ինֆո

Բացի թարմացնող ազդեցությունից, սուրճն օգնում է վերահսկել քաշը, ասում է Նյու Յորքի հավաստագրված սննդաբան Լիզա Յանգը: Այս ըմպելիքի մեկ այլ օգտակար հատկության մասին նա պատմել է Today պարբերականին։

Յանգը խոսքով՝ 2023 թվականին կատարված ուսումնասիրությունը պարզել է, որ մարդիկ, ովքեր երբեք սուրճ չեն խմում կամ հազվադեպ են խմում, սկսում են նիհարել հենց որ խմիչքը ներառեն իրենց ամենօրյա սննդակարգում: Սննդաբանը նշել է, որ հետազոտության հեղինակները չեն կարողացել բացատրել, թե ինչու է սուրճ խմելիս օրգանիզմում ճարպի քանակը նվազում, սակայն ենթադրել են, որ դա կապված է նյութափոխանակության վրա ազդելու կոֆեինի ունակության հետ:

Յանգը կարծում է, որ ազդեցությունը կարող է ունենալ նաև այլ բացատրություն: «Միգուցե դա նվազեցնում է ախորժակը։ Պատահում է, որ մարդիկ, ովքեր սիրում են սուրճ, ավելի հավանական է, որ ֆիզիկապես ակտիվ լինեն: Հնարավոր է՝ նրանք ավելի շատ էներգիա ունեն զբոսանքի կամ ֆիզիկական վարժությունների համար, և դա ազդել է արդյունքի վրա», — ասում է մասնագետը։

Ընդ որում, Յանգը հավելել է, որ մեկ բաժակ սև սուրճն իսկապես չի վնասի կազմվածքին և նույնիսկ օգուտ կբերի: Մասնագետի խոսքով՝ ըմպելիքի մեջ ընդհանրապես ճարպ չկա, փոխարենը շատ է կալիումը եւ ավելի քան 100 կենսաբանորեն ակտիվ նյութեր, այդ թվում՝ հզոր հակաօքսիդանտներ, որոնք օրգանիզմը պաշտպանում են բորբոքումներից: «Բայց եթե ավելացնեք կաթն ու շաքարավազը, դա ամբողջովին կփոխի ամբողջ հավասարումը: Ավելացված ճարպերն ու կալորիաները կարող են չեզոքացնել ըմպելիքի առողջության համար ցանկացած դրական ազդեցություն», — նախազգուշացրեց Յանգը:

Աղբյուր` Փաստինֆո