Փաստ ինֆո

Հանդիպումը, որը տեղի ունեցավ Բրյուսելում, ակնհայտ էր, որ դա խայտառակ ֆիասկո էր և խայտառակ ձախողում։ Այս մասին խորհրդարանական ճեպազրույցների ընթացքում հայտարարել է «Հայաստան» խմբակցության պատգամավոր Արթուր Խաչատրյանը։

«Կառավարության ղեկավարը և շատ բարձրաստիճան չորս պաշտոնյա չեն հանդիպում և չեն քննարկում ընդամենն Ամերիկայի կողմից տարեկան 15 մլն-ի տրամադրում, Եվրոպայի կողմից՝ տարեկան 70-ից էլ քիչ։ Շատ կարևոր էր նաև քաղաքական հայտարարությունը։ Հիշում եք՝ իշխանություններն ասում են՝ մենք պատրաստ ենք Եվրոպային լինել այնքան մոտ, որքան՝ նրանք Եվրոպան կկամենա, Եվրոպան հստակ ասեց՝ համապարփակ և ընդլայնված համագործակցության համաձայնագիրը, դա է։ Այսինքն՝ այս իշխանությունները, որ խոսում են, թե խորացնում են, ընդլայնում են հարաբերությունները Եվրոպայի հետ, Եվրոպան ասեց՝ սա է կարմիր գիծը»,- ասաց Խաչատրյանը։

Անդրադառնալով կառավարության կատարողականին՝ Խաչատրյանը ուշադրություն հրավիրեց Փաշինյանի մի քանի հիմնական ուղերձներին, որոնցից մեկն այն էր, թե Արցախի հարցը դիտում են ՀՀ-ի վրա վզկապ դնեն։
«Այսինքն՝ Արցախի հարցն արտածին է։ Նման բան 80-ականներին ոչ թե Գորբաչովը, այլ՝ Լիգաչովն էր ասում։ Դրանից հետևություն՝ եթե Արցախի հարցը «պովոդոկ» էր, իր խոսքերով, որ անկախ Հայաստանին անկախությունից զրկեն, ինքն էլ ամեն ինչ արեց, որ այդ «պովոդոկից» զրկվի։ Այսինքն՝ իր քաղաքականությունն ուղղված է եղել հենց Արցախը զոհելուն, որ փրկի Հայաստանը, բայց մենք տեսնում ենք, որ Արցախը զոհելուց հետո մենք ինչ ավելի վատ իրավիճակում ենք հայտնվել»,- ասաց Խաչատրյանը։

Աղբյուր` Փաստինֆո