Փաստ ինֆո

ՔՊ-ական, ազգությամբ եզդի պատգամավոր Ռուստամ Բաքոյանն առաջարկում է փոփոխություններ և լրացումներ կատարել «Տոների և հիշատակի մասին ՀՀ օրինագծում և օգոսստոսի 3-ը սահմանել 2014 թ-ին Սինջարի եզդիների ցեղասպանության օր։

«Փաստինֆոն» կապ հաստատեց եզդի պատգամավորի հետ և մեկնաբանություն խնդրեց նախօրեին Նիկոլ Փաշինյանի ելույթի կապակցությամբ, որտեղ Փաշինյանը անդրադարձ էր կատարել Հայոց Ցեղասպանությանը եւ այն անվանել «Մեծ Եղեռն», «կոտորածներ»։ Նկատենք, որ հենց այս ձեւակերպումներով միջոցով է, որ ԱՄՆ նախագահները տարիներ շարունակ խուսափել են Հայոց Ցեղասպանությունը՝ ցեղասպանություն որակել։

Բաքոյանն ասաց, որ վարչապետի ելույթին ծանոթ չէ, ուստի չի կարող մեկնաբանություն տալ։

Հարցրեցինք, թե ինչպես է առհասարակ վերաբերվում «Հայոց ցեղասպանություն» եզրույթը «Մեծ Եղեռն», «կոտորոծներ» անվանելուն՝ նա պատասխանեց, որ կարող է խոսել եզդիների ցեղասպանության մասին։ «Հայոց Ցեղասպանության մասին ճիշտ կլինի խոսեն մեր գործընկերները Եթե իմ ներկայացրած օրինագծի մասին եք ուզում խոսել՝ խոսենք, եթե այլ հարցեր եք տալու՝ ես պատրաստ չեմ այդ մասին խոսելու։ Վաչպաետը հստակ ասել է այն, ինչ ասել է թույլ տվեք ես չմեկնաբեմ վարչապետին»։

Դիտարկմանը, թե արդյոք եզդիների պատմությունը, պատմական իրողությունները չե՞ն խանգարելու այդ ժողովրդի խաղաղ գոյակցության այն երկրներում, որտեղ ապրում են, այդ թվում՝ Հայաստանում, քանի որ, օրինակ, Փաշինյանը կարծում է, որ հայ ժողովրդի պատմությունը, պատմական Հայաստանը «խանգարում է» «իրական» Հայաստանին՝ Բաքոյանը խնդրեց չքաղաքականացնել իր առաջարկած օրինագիծը, որը վերաբերում է եզդի ժողովրդին և չփաթեթավորել այն այլ տրամաբանության մեջ։ «Ես չեմ տրվի ձեր հարցերին պատասխանելու գայթակղությանը և չեմ մտնի այդ դաշտ։ Եզդիների ցեղասպանությունը տեղի է ունեցել ընդամենը 10 տարի առաջ, հետևաբար բերել՝ կապ չունեցող որևէ հայտարարություն կապել եզդիների ցեղասպանության հետ, կարծում եմ շատ անտրամաբանական է։ Խնդրում եմ ծանոթանալ նախագծին և տեսնել, թե ինչ դեպքերի է վերաբերվում։ Հետո միայն դրանք կապել երկրի վարչապետի որևէ հայտարարության հետ, որը այս նախագծի հետ բացարձակ աղերս չունի»։

Բաքոյանը անպատասխան թողեց հարցը, թե արդյո՞ք ասվածը նշանակում է, որ եթե ցեղասպանությունը տեղի է ունեցել 10 տարի առաջ՝ ցեղասպանություն է, իսկ այն ինչ տեղի է ունեցել հայ ժողովրդի հետ ավելի քան 100 տարի առաջ՝ ցեղասպանություն չէ։

Հ.Գ. «Փաստինֆո»-ն հարգանքով է վերաբերում նախագծին եւ հավատացած է, որ այն պետք է դատապարտվի՝ նման դեպքերը կանխելու համար։ Իսկ համեմատությունը միտված է ցույց տալու այն քաղաքական ուժի ղեկավարի քաղաքականության վտանգավոր միտումները, որին անդամակցում է Բաքոյանը։

Աղբյուր` Փաստինֆո