Փաստ ինֆո

Պատմական Հայաստան, իրական Հայաստան՝ հակադրություններ հորինելու փաշինյանական մտավարժանքները, թերևս, կոչված են հեշտացնելու Հայոց Հայրենիքի վրա սեփական պետականությունը կառուցած թուրքազարբայջանական տանդեմին՝ իրենց ցեղասպան քաղաքականության հետ ապրելու: Հարյուրամյակից ավելի անց էլ իրենք չեն հաղթահարել իրենց գործածը։

Երկրի հակառակ կողմում գտնվողը հո պատահաբա՞ր չի Գառնին հավաբուն համարում, իսկ Սթոունհենջից ավելի հին Քարահունջի աստղադիտարանը՝ քարկտիկի քարեր: Հայի գենետիկ կոդի դեմ է դուրս գալիս, որն հազարամյակների պատմություն ունի և մեր ինքնության, մեր բնիկության վկայագիրն է՝ քանի ապրում ենք ու կանք աշխարհում... Գենը չի կորչում, այն վերծանվում է և փոխանցվում՝ սերնդեսերունդ...

Կա մեկ Հայաստան, որն ամեն ծնվող հայի գիտակցության մեջ և ենթագիտակցության ծալքերում ներդրվում է այն նախնական տարածության և ժամանակի չափումներով, որպես եղել է․․․

Եվ ահա՝ մեր դիմաց մեկն է, որ եկել ու ասում է՝ Արարատին նայել չես կարող, քանզի այն ՀՀ տարածքում չէ: Այն քո ինքնագիտակցության միջից հանիր, դեն նետիր և ինքնությունդ նորոգիր: ՈՒ նման բազմաթիվ անհեթեթ մտքեր, տեքստեր․․․ Ինչ է սա, մանկուրտիզմի քարո՞զ, մանկուրտ է ուզում դարձնել հայ մարդուն․․․

Հայը գենետիկորեն մեծ Հայաստանի չափումներով աշխարհ գալով ապրում է ներկա Հայաստանում՝ միշտ ի մտի ունենալով մեր երազանքի հայրենիքը։ Այս՝ իր ամբողջականությունը վերագտնելու գաղափարն է նաև, որ հազարամյակներ պահպանել է Հայաստանը։

Երբեք պետք չէ բացառել, որ կգա մի ժամանակ, երբ անհնարը՝ հնարավոր կարող է դառնալ։ Գաղափարը, հայեցակարգը ազգային հեռանկարի համատեքստում ամենակարևորն է։

ՈՒստի՝ մեր երազելի Հայրենիքի գաղափարը պիտի այնքան խտանա, ստվար ու բազմաձայն դառնա, որ ազգային միասնության սրբազան լեռն Արարատ ոչ միայն մեր աչքի ամենօրյա տեսարանը, պատկերը լինի, մեր պետականության խորհրդանիշը, այլև՝ երազանքից իրականություն ճանապարհը շարունակ մոտեցնելով մի օր իրականություն դարձնենք։

Ա․Ե․

Աղբյուր` Փաստինֆո