Փաստ ինֆո

Այս կազմակերպության զեկույցում տեղ գտած փաստերը, վստահեցնում եմ, չեն օգտագործվելու Նիկոլի դեմ, քանի որ այդ նույն երկրների ղեկավարները ծափ են տալիս Նիկոլին։ Մինչև այդ կազմակերպության ու այդ երկրների իշխանությունների կարծիքները չհամընկեն, Նիկոլը պրոբլեմ չի ունենալու։ Այս մասին «Փաստինֆոյի» հետ զրույցում ասաց «Հայաստան» համահայկական հիմնադրամի նախկին ղեկավար Արա Վարդանյանը՝ անդրադառնալով Freedom House-ի զեկույցին, որը որի՝ Հայաստանում Ժողովրդավարական կառավարման վարկանիշը նվազել է։

«Պետք է տարանջատել, թե ինչ էին խոստանում ժողովրդին այս իշխանությունները և ինչ էին իրականում ուզում անել։ Խոստումները լոկ պատրանք էին, որոնց հիման վրա պետք է ժողովրդին խաբեին ու գային իշխանության։ Սա իրենց հաջողվեց, բայց իրական նպատակը, ի սկզբանե, եղել է ՀՀ -ն քանդելը, Արցախն Ադրբեջանին նվիրաբերելը, ՀՀ-ում ՌԴ-ի ներկայությունը զրոյի հասցնելը։ Այդ նպատակներին հասնելու համար, իհարկե, ժողովրդի գլխի տակ պետք էր փափուկ բարձ դնել»,- նշել է քաղաքագետն ավելացնելով, որ իշխանության գալուց հետո այս իշխանությունը ուզուրպացրեց իշխանական գրեթե բոլոր լծակները, ոլորտները։

«Չմոռանանք, թե ինչ կատարվեց Սահմանադրական դատարանի հետ, ինչ կատարվեց դատական համակարգի հետ, ինչպես էին թիրախավորում տարբեր դատավորներ»,- նշեց գործիչը։

Համաձայն լինելով զեկույցում բարձրացված խնդիրների հետ՝ Ա. Վարդանյանը, միաժամանակ նկատեց, որ չի կարող չարձանագրել, որ արևմտյան երկրների գերակշիռ մասը սատարում է այս իշխանությանն ամենաբարձր մակարակով։

«Օրինակ, ԵՄ-ն և ԱՄՆ-ն սատարում են այս իշխանությանը և բոլոր հնարավոր օղակներում հայտարարում են, որ Հայաստանում տեղի են ունենում ժողովրդավարական պրոցեսներ, որ Հայաստանում դատաիրավական համակարգը բարելավվում է, մինչդեռ հենց այդ նույն Freedom House-ը հայտարարում է ճիշտ հակառակը։ Կարծում եմ, այս զեկույցն ունի մեկ այլ նպատակ, այն է՝ պատմական նպատակ, որ տարիներ անց՝ նույն ԱՄՆ-ն և ԵՄ-ն, հղում անելով Freedom House-ի վրա, ասեն՝ տեսեք, մենք միշտ անաչառ գնահատական տվել ենք Հայաստանում տեղի ունեցածին։ Այսինքն, այս զեկույցը դեմքը փրկելու համար է»,- նշեց քաղաքագետը։

Միջազգային հեղինակավոր կալմակերպությունն անդրադարձել էր նաեւ տեղական ինքնակառավարման մարմինների ընդդիմադիր ղեկավարների նկատմամբ իրականացվող ճնշումներին, ինչին արձագանքելով Վարդանյանն ընդգծեց, որ քաղաքական դրդապատճառներով կալանավորումները նոր երևույթ չեն մեզանում։ «Այս իշխանության առաջին քաղբանտարկյալը ՀՀ երկրորդ նախագահ Ռոբերտ Քոչարյանն էր։ Ցավոք, այն ժամանակ հասարակությունը չգիտակցեց ու չհասկացավ, թե իրականում որոնք են նրա կալանավորման և հետապնդման իրական նպատակները, դրա պատճառով է, որ մենք այսօր ունենք նորանոր քաղբանտարկյալներ, որովհետև այն ժամանակ հասարակությունը չսկսեց պայքարը քաղբանտարկյալների ազատման համար։ Այսօր էլ ականատես ենք լինում Արմեն Աշոտյանի դատական նիստին, երբ քննարկվում է ավելի քան 30 պարտգամավորի միջնորդությունը՝ խափանման միջոցը փոխելու համար, բայց դատավորը մերժում է այն առանց հիմքի։ Ունենք Նարեկ Մալյանի նկատմամբ է վերջնական որոշում ու նրան ազատարզրկում են խոսք ասելու համար, սա ևս աբսուրդ է։ Հիմա էլ նոր քաղբանտարկյալներ ունենք, Նարեկ Սամսոնյան ևՎազգեն Սաղաթելյան, որոնք նույնպես ազատազրկվել են ինչ-որ արտահայության համար։

Այսինքն՝ ով ձեռք չի տալիս այս իշխանությանը՝ կալանավորվում է։ Ու վատն այն է, որ դատավորները կուլ են գնում այդ ամենին ու դառնում են այս իշխանության խամաճիկները։ Ընդ որում՝ որևէ մեկը նրանից չի գիտակցում, որ չկա որևէ իշխանություն, որը հավերժ է։ Ուղղակի չկա, հատկապես այս իշխանությունը։ Սրանց մնացել են հաշված ամիսներ, և դատավորները, քննիչները, դատախազները, պետք է գիտակցեն, որ այս անգամ պատասխան տալու ժամանակը գալու է, որովհետև իրենց գործողությունների արդյունքում մենք հայրենիք ենք կորցրել, ոչ թե գումար»,- արձանագրել է Արա Վարդանյանը։

Ինչ վերաբերում է քաղաքականության ու բիզնեսի սերտաճման , ՔՊ-ի ֆինանսական հոսքերի ոչ թափանցիկության մասին Freedom House-ի արձանագրումներին, ապա Վարդանյանի կարծիքով, դրանք եւս անակնկալ չեն։

«Երբ նայում ենք «Քեմալական պայմանագրի» ընտրացուցակին, այնտեղ բոլորը «мелкий жулик» են, որոնք կյանքում որևէ բանի չեն հասել, իսկ հիմա հասել են պետական միջոցներին, հիմա պետական բյուջեն նրանց համար անձնական բյուջ է ու իրենք մտածում են՝ ինչ ուզեն, կանեն։ Դեպքերը բազմաթիվ են, երբ տարբեր անհատներ, լրատվամիջոցներ հայտարարություններ են անում կոռուպցիոն դեպքերով և դատախազությունը որևէ քննություն չի նախաձեռնում։

Օրինակ, 2020 թ-ին, երբ համահայկական հիմնադրամը շուրջ 100 մլն դոլար փոխանցեց պետությանը՝ բազմիցս ահազանգել եմ ու առաջարկել դատախազությանը ստուգել այդ դեպքը, բայց դատախազությունը ոչ մի քայլ չձեռնարկեց։

Ես կասկած չունեմ, որ իշխանափոխությունից կլինեն գործարարներ որ կպատմեն թե ինչպես են ռեյդերական հարձակումներով իրենց բիզնեսները խլել իրենց ձեռքից, ոնց են այդ իշխանության տարբեր ներկայացուցիչներ փայ մտել իրենց բիզնեսներում։ Այն, որ պետական բյուջեի միջոցների գերակշիռ մասը ուղղակի գնումներով է մսխվում, արդեն փաստ է։ Ցավալի է, որ գլխավոր դատախազը՝ լինելով կիրթ, չի գիտակցում, որ ուշ թե շուտ ինքն անմիջապես էլ է պատասխան տալու այս ամենի համար»,- եզրափակել է Վարդանյանը։

Աղբյուր` Փաստինֆո