Փաստ ինֆո

ԱԺ այս ամբիոնից դիմում եմ  Վազգեն Սարգսյանի եղբորը՝ Արամ Սարգսյանին,  ԵԿՄ նախագահ Սասուն Միքայելյանին, 1000-ավոր երկրապահներին, երեկ այս ամբիոնից Նիկոլ Փաշինյանը մեղադրում էր Վազգեն Սարգսյանին՝ հայ ժողովրդին կառափնարան տանելու համար։ Այս մասին այսօր ԱԺ-ում հայտարարեց «Հայաստան» խմբակցության պատգամավոր Գեղամ Մանուկյանը։

«Ասեց՝ իրական Հայաստանի դե յուրե հաստատումը տեղի ուենցավ 2022 թ-ի սեպտեմբերյան պատերազմի բերումով, երբ հասկանալի դարձավ, որ 1996-98 թթ-ին մեր վզին գցած վզկապով մեզ քարշ էին տալիս դեպի կառափնարան՝ գլխատելու մեր ինքնիշխանությունն ու անկախությունը։ 1996-98 թթ-ին Վազգեն Սարգսյանն ամենավճռական ներկայությունն ուներ Հայաստանի և ներքին, և արտաքին քաղաքականության ու անվտանգային կյանքում»։

Անդրադառնալով կառավարության գործունեությանը Մանուկյանը նշեց, որ եկել է կառավարության ներկայացրած ծրագրով և 2023-ի զեկույցով։ «2021-ին կառավարությունը խոստանում էր անցում կատարել պրոֆեսիոնալ բանակի, ինչի արդյունքում ժամկետային զորահավաքային զինծառայության կառուցվածքն էականորեն պետք է փոխվեր։ Հիմա պորֆեսիոնալ բանակ չկա, բայց ժամկետային զորահավաքային զինծառայության կառուցվածքն իրականում էականորեն փոխվել է, սկզբում եռամսյա, հետո՝ 25 -օրյա վարճական հավաքները, որն իրականում մարտական հերթապահություն է»։

Անդրադառնալով անվտանության հարցերին՝ նա ընդգծեց, որ ծրագրում ասվում էր, որ 2023թ-ին մշակվել և հաստատվել են պաշտպանության ոլորտում մի շարք կարևոր փաստաթղթեր՝ ԶՈՒ զարգացմանը պլանը, սպառազինությունների ու  զինտեխնիկայի պետական ծրագիրը և ՀՀ ԶՈՒ կիրառմանն պլանը։

«Սիրելի հայրենակիցներ, մասնագիտական առումով՝ ԶՈՒ կիրառման պլանը ամբողջ բանակի գործունեությունն է՝ ցանկացած իրավիճակում մարտական գործողությունների ժամանակ, պատերազմական գործողությունների ժամանակ։ ԳՇ պետին երբ հարցնում եմ՝ եթե հարձակում է եղել ՀՀ զորամիավորումներից մեկի վրա, ի՞նչ եք արել, որ նախատեսված է այս պլանով, ասում է՝ բան չենք արել, որ լայնածավալ պատերազմ չլինի։

Այսինքն, եթե 3-րդ բանակային կորպուսի վրա հարձակում լինի՝ 2-րդ բանակային կորպուսն ասելու է, որ լայնածավալ պատերազմ չլինի՝ 3-րդ բանակային կորպուսին եկեք մենակ թողնենք։ Սա է ԶՈՒ ռազմավարությունը։

Կառավարությունը ամենաշատը հպարտանում է մի կետով՝ զինծառայողների ատեստավորման գործընթացով, ըստ զեկույցի՝ դրան մասնակցել է շուրջ 5800 հոգի, քանիսն են անցել, չի ասում։ Փոխարենն ասում է, որ աշխատավարձերը բարձրացել են 205 .000-ից մինչև 470 000 դրամի։ Քաղաքացու մոտ տպավորություն է, որ բանակում աշխատավարձը բարձրացել է մինչև 470 000 դրամ։ Հարցում է արել մեր գործընկերը այս թեմայով, փաստաթուղթը գաղտնի էին դարձրել, որ իրավունք չունենանք հրապարակել, բայց պաշտպանության փոխնախարարն հրապարակել է արդեն թիվը, ըստ այդմ՝ դրական է ստացել միայն 2573-ը, մնացածն անբավարար են ստացել։

Սիրելի հայրենակից, խաբում են ձեզ՝ ասելով, թե ԶՈւ-ում աշխատավարձը հասել է 470 000-ի խաբում են, միայն 3000-ինն է բարձրացել»։

Աղբյուր` Փաստինֆո