Փաստ ինֆո

Կինը, ով պատրաստվում էր ամուսնանալ և հոգնել էր փեսայի կպչուն ընկերուհուց, խորհրդատվություն խնդրեց հարաբերությունների փորձագետ Քոլին Նոլանից: Նրա պատմությունը հրապարակում է Mirror պարբերականը։

Կնոջ խոսքով՝ ինքը փեսացուի հետ հանդիպում է արդեն 3 տարի, երկուսն էլ 29 տարեկան են։ Տղամարդն ընկերուհի ունի, որը, վստահ է նամակի հեղինակը, փորձում է խանգարել նրանց հարաբերություններին։ Նա ժամանակին դուր էր գալիս տղային, բայց վերջինիս ռոմանտիկ իմաստով չէր հետաքրքրում։ Արդյունքում նրանք մնացին մտերիմ ընկերներ։ Հետաքրքրական է. որ երբ տղամարդը պատմել է ընկերուհուն մեր հարաբերությունների մասին, աղջիկը հանդիմանել է նրան, բարկացել, իսկ հետո առաջարկել է փորձել հանդիպել», — հիշում է աղջիկը: Տղամարդը հրաժարվել է, սակայն շարունակել ընկերությունը։

Նամակի հեղինակը բողոքել է, որ իր փեսացուի վաղեմի ընկերուհին մինչև հիմա կարող է զանգահարել իրեն օրվա կամ գիշերվա ցանկացած ժամի։ «Նա նաև հանդիպումներ է կազմակերպում, որին ինձ չի հրավիրում։ Կարծես անտեսում է ինձ և այն փաստը, որ մենք ամուսնանում ենք», — գրել է նա։

Նոլանի կարծիքով՝ ընկերուհին իրեն վերահսկողի և սեփականատերի պես է պահում։ Սակայն, հավելել է մասնագետը, նա կարող է ոչ թե ռոմանտիկ, այլ ընկերական խանդ զգալ։ Դա հաղթահարելու միջոց մասնագետը համարում է տղամարդու հետ անկեղծ զրույցը։ «Ասացեք, որ զգում եք, թե նա նրան ձեզանից վեր է դասում, և դա անընդունելի է: Դուք ամուսնանում եք: Պետք չէ հրաժարվել նրա բարեկամությունից, բայց ձեզ հարկավոր են սահմաններ, որտեղ երկուսն էլ հարմարավետ կզգան», - հայտարարել է Նոլանը։ Եթե տղամարդը չի ցանկանում լսել և հարգել ընտրյալի զգացմունքները, ապա, ինչպես վստահ է մասնագետը, աղջիկը պետք է մտածի նման ամուսնության իմաստի մասին:

Աղբյուր` Փաստինֆո