Փաստ ինֆո

Ես չգիտեմ ՀՀ սահմանադրության որևէ դրույթ, որ նախատեսում է Հայաստանում վտարանդի կառավարության կամ ԱԺ-ի գործունեություն։ Այս մասին այսօր Աժ-ում ասաց Նիկոլ Փաշինյանն՝ անդրադառնալով «Հայաստան» խմբակցության քարտուղար Արծվիկ Մինասյանի հարցին, թե կարո՞ղ է մատնանշել որևէ երկիր, որտեղ արգելված լինի վտարանդի կառավարության գործունեությունը։

Մինասյանի մյուս հարցին, թե եթե Ադրբեջանի նախագահը վերահաստատել է իր մտադրությունը՝ ճանաչելու Խորհրդային Հայաստանի տարածքները, այդ դեպքում՝ ինչո՞ւ է ադրբեջանական զինված ուժերը շարունակում օկուպացված պահել Հայաստանի տարածքները, ինչո՞ւ է Ադրբեջանը կրակում, և ի՞նչ քայլեր է իրականացվել, որ զսպվի Ադրբեջանի ագրեսիան՝ ՄԱԿ-ի, ՀԱՊԿ-ի շրջանակներում, Փաշինյանն ասաց, որ իր հիմնական ելույթում խոսել է այդ մասին։

«Ինչ վերաբերում է միջազգային մեխանիզմներին, ապա մեխանիզմները գործարկելու բոլոր անհրաժեշտ միջոցները, այդ թվում՝ ՀԱՊԿ-ին դիմելը իրականացրել են, բայց դրանք չեն գործարկվել, որովհետև իրենք առաջարկում են խաղաղապահներ տեղակայե։։ Ինչ խաղաղապահ, որտե՞ղ գնան խաղաղապահները»։

Մինասյանն ընդգծեց, որ կառավարության զեկույցն այլ բանի մասին է, իսկ Փաշինյանի ելույթը այլ բանի ու նպատակների մասին է, հաճախ, ուղիղ հակառակի։ «Այսինքն, խոսում էիք այլ նպատակների մասին, հիմա խոսում եք, այլ արդյունքների ու հետևանքների մասին։ Դրա լուծումը մեկն է հրաժարական, հեռացում, ընտրություններ, նոր կառավարություն։ Որովհետև, եթե ծրագիրը փոխվել է, ապա այդ կառավարությունը չի կարող լեգիտիմ լինել, բայց ձեր՝ իշխանությունը պահելու ձգտումը թույլ չի տալիս, որպեսզի այս քայլրին գնաք»։

Փաշինյանը պատասխանեց, որ միջազգային հանրությունը ասել է, որ ԼՂ ժողովրդի իրավունքը պետք է պաշտպանվի և ԼՂ-ն պետք է Ադրբեջանի կազմում ունենա ինքնավար կարգավիճակ։ «Ամբողջ պրոբլեմը սա է, որ ինքնավարություն ասելու նպատակը եղել է իշխանություն զավթելը և պահելը, որոշ տեղերից էլ հավաստիացումներ են ստացել, որ ամեն բան լավ է, կլուծենք»։

Ինչ վերաբերում է հրաժարականին՝ նա պատասխանեց, որ 2 անգամ հրաժարական է տվել։

Աղբյուր` Փաստինֆո