Փաստ ինֆո

Մեր քաղաքական վերնախավը ժողովրդի համար կարդացել ենք գիտահետազոտական բառապաշարով գրված փաստաթղթերը և հասկանալով, որ լրացուցիչ բացատրություն պետք է լինի, որովհետև ժողովորդը նայում ու ասում՝ ինչ է գրաված, բացատրում են, որ ԼՂ-ն չպետք է լինի Ադրբեջանի կազմում, մինչդեռ իրականությունը ուղիղ հակառակն է։ Էդտեղ գրած է, որ ԼՂ-ն պետք է լինի Ադրբեջանի կազմում։ Այս մասին ԱԺ-ում ասաց Նիկոլ Փաշինյանը՝ ի պատասխան «Հայաստան» խմբակցության պատգամովոր Արթուր Խաչատրյանի՝ Կազանի փաստաթղթից բերված մեջբերմանը, որտեղ նշվում է, որ ԼՂ ժողովրդի ամբողջ բնակչության կամարտահայտությամբ, այդ թվում՝ թուրքերն էին գալու 25 տոկոսով։ «Ընդհանրուր քվերակության արդյունքով՝ ԼՂ վերջնական իրավական կարգավիճակը պիտի որոշվեր, որը կլինի իրավական առումով պարտադիր և կհամապատասխաներ միջազգային իրավունքի նորմերին ու սկզբունքներին, նկատի ունենալով, որ քվեարկության դրված հարցերը չպետք է սահմանափակվեն և կարող են ներառվել կարգավիճակի բոլոր տարբերակները։ Այսինքն, Ադրբեջանի կազմում ինքնավարության որևէ պնդում չկա»։

Փաշինյանը արձագանքեց, թե ո՞վ է ասում, որ եկող ադրբեջանցիները 25 տոկոս էին լինելու։ «Ենթադրենք, կինը հղի է եղել ու ծննդաբերել է ԼՂ-ից դուրս գալուց մեկ շաբաթ հետո, էնտեղ ծնված երեխան բնակի՞չ է, թե՞ բնակիչ չի, իսկ նրանից ծնված երեխան բնակի՞չ չէ, թե՞ բնակիչ չէ։ Եթե դուք ի սկզբանե ընդունել եք, որ ԼՂ-ում կա պայմանական ասած՝ հայ կին և ադրբեջանցի կին, ինչո՞ւ է ձեր կանխավարկածը այն, որ ԼՂ-ի հայ կնոջ երեխան պետք է մասնակցի այդ պրոցեսին, իսկ ադրբեջանցի կնոջ երեխան չպետք է մասնակցի։ Ադրբեջանն էլ ասում էր՝ թող հետ գան, 100 տարի ապրեն, հետո կտեսնենք, այդ հանրաքվերի կարիք կա՞, թե՞ չէ»։

Խաչատրյանն էլ պատասխանեց, որ Կազանյան փաստաթղթում գրված է, որ ԼՂ բնակչություն ասելով հասկացվում է 1988 թ-ի ազգային համամասնություններով ԼՂԻՄ-ում ապրող բոլոր ազգերը՝ այնպիսի էթնիկ համամասնությամբ, ինչպես եղել է մինչև հակամարտության սկիզբը։ «Սա գրել են Մինսկի խմբի համանախագահները։ Միասնական հանրաքվե, այլ ոչ թե այնպես, ինչպես եղավ Կիպրոսում։ Գրված է, նույն համամասնություններով, միասնական հանրաքվե։ Սահմանափակում չի լինելու, բայց ինքնորոշում նշանակում է՝ մարդկանց տալու են լայն հնարավորություն և այդ մարդիկ որը ընտրելու են՝ դա է ունենալու վերջնական նշանակություն»։

Այդ դիտարկումից հետո Փաշինյանն հունից դուրս եկավ. «Կազանի փաստաթղթի ժամանակ իշխանություն էլ էիք, ընդդիմություն էլ էիք, լուծեք, ով էր ձեզ խանգարում, Կազանի փաստաթղթի ժամանակ ես կամ բանտում էի, կամ բանտից նոր դուրս եկած էի, 2011 , 2012-2014-ին, 2015-ին, լուծեիք, ով էր ձեզ խանգարում։ էդ որ ասում էիք՝ էսպես էր լինելու՝ է թող լիներ»։

Աղբյուր` Փաստինֆո