Փաստ ինֆո

Ռուսական հեռուստաշոուում հնչած և հայերեն թարգմանած ելույթն արդյոք կիսում է «Հայաստան» դաշինքի մեծամասնությունը կամ դա ձեր դաշինքի վերաբերմունքն է, կարծիքն է։ Այս մասին ԱԺ-ում հայտարարել է Ալեն Սիմոնյանը։

«Պարոն Մանուկյան, տարրական էթիկայի կանոններ գոյություն ունեն, ի՞նչ է նշանակում՝ ընթերացանությունը՝ 2։ Դուք պետք է որոշե՞ք։ Ուզում եք՝ ձեր ցուցակից անուններ նշեմ, որ հայատառ գրել չգիտեն»,- ասաց Սիմոնյանը։

Շարունակելով խոսքը՝ Սիմոնյանն անդրադարձավ սահմանազատման հարցին՝ հիշեցնելով, որ 2009թ իշխանությունը վարչատարածքային օրենքում փոփոխություն է կատարել․ «ներկայացված նախագծով նախատեսվում է նախկինում Ադրբեջանի կազմում եղած Տիգրանաշեն գյուղը ընդգրկել Արարատի մարզի Պարույր համայնքի, Բարխուդարլու և Ասկիպարա գյուղը Ազատամուտ և Ոսկեպար համայնքների կազմում՝ միաժամանակ նշելով, որ նրանց սահմանները կճշտվեն հայ-ադրբեջանական հարաբերությունների կարգավորումից հետո»։ Դրանից հետո 2016թ․ Տավուշի «հանրապետական» մարզպետ և «դաշնակցական» փոխմարզպետը գրություն են ներկայացնում, համաձայն որի՝ Տավուշի մարզում «Ասկիպարան» գյուղ չի եղել, այն եղել է Ադրբեջանի ՍՍՀ Ղազախի շրջանի անկլավ՝ Ոսկեպար վարչական տարածքում, անցած դարի 90-ականներին ադրբեջանական բնակավայրերի վերաբնակեցումից հետո դադարել է գործ ունենալ։

«Սրանից հետո դաշնակցական մեր գործընկերները սրան կողմ են քվեարկում։ Այսինքն՝ երբ սրա մասին խոսում ենք, պետք է հիշել, թե ով ինչ դիրքորոշում է ցուցաբերել»,- հայտարարեց Սիմոնյանը։

Աղբյուր` Փաստինֆո