Փաստ ինֆո

Ի պաշտպանություն Բաքվում և Երևանում գտնվող քաղբանտարկյալների՝ այսօր քաղաքացիները բողոքի ակցիայով են Երևանում ՀՀ ԱԳՆ մուտքի դիմաց դիմավորել Եվրոպայի խորհրդի գլխավոր քարտուղար Մարիա Բուրիչին։

Ակցիայի մասնակիցները արձանագրել են, որ Երևանում ու Բաքվում նույն ձեռագրով են գործում եւ հրապարակել, թե հայաստանյան բանտերում գտնվող քաղբանտարկյալների, թե Բաքվում գտնվող հայազգի պատանդների անունները։ ԱԳՆ մուտքի մոտ ցուցարարները պարզել էին նաեւ  Արցախի Հանապետության ու ՀՀ դրոշները, պաստառներ ՝ «Ազատություն քաղբանտարկյալներին» գրությամբ։

Նախկին պատգամավոր Նաիրա Զոհրաբյանը նաև իր ձեռքին բարձր պահել էր թուրքական արտադրության մի լամպ՝ նշելով. «Սա է Նիկոլ Փաշինյանի ժողովրդավարության փարոսը, որովհետև այս փարոսը լույս է տալիս և աշխատում է բացառապես Թուրքիայի համար»։

«Եկել ենք ասելու Մարիա Բուրիչին, որ չկիրառեն երկակի ստանդարներ, - հայտարարեց իրավապաշտպան Ռուբեն Մելիքյանը՝ նշելով, որ, այս պահի դրությամբ, առնվազն 5 քաղբանտարկյալ կա Հյաստանում , ինչը հակաժողովրդավարական է, հակաիրավական է։

«Ուզում ենք հիշեցնել Մարիա Մուրիչին, որ չի կարելի գետնին տապալել ու ոտքը դնել մարդու գլխին՝ միայն քաղաքական նպատակներով»,- ասաց իրավապաշտպանը։

Բուրիչից ի՞նչ ակնկալել՝ ադրբեջանական ագրեսիային ի պատասխան երկու կողմին հանգստություն պահպանելու կոչից հետո, - լրագրողների հարցին ի պատասխան Լեհաստանում ՀՀ նախկին արտակարգ և լիազոր դեսպան Էդգար Ղազարայանը նշեց, որ եկել են ճշտելու, թե կա՞, արդյոք, Եվրոպայում այլ երկիր, որտեղ հնարավոր է, որ 120000 մարդու ենթարկեն բլոկադայի ու ենթարկեն էթնիկ զտման՝ ազգային պատկանելության համար։

Ակցիայի մասնակիցները անգլերենով բացականչում էին «Ազատություն» (Freedom):

Աղբյուր` Փաստինֆո