Փաստ ինֆո

«Չափազանց բարդ իրավիճակ է,բայց տավուշեցիների համար նոր չէ։ Առաջին պատերազմի ժամանակ դուք ձեր մաշկի վրա եք զգացել դառնությունները, դժվարությունները նաև դաժանությունները, ու կարողացել եք դիմակայել, ծնկի բերել հակառակորդին» ,- Տավուշի սահմանամերձ համայնքում բնակիչների հետ հանդիպման ժամանակ ասել է ընդդիմադիր «Հայաստան» խմբակցության ղեկավար Սեյրան Օհանյանը։
Նարձանագրել է, որ վերջին պատերազմից հետո այլ իրավիճակ է ստեղծված։

«Ունենք 1000 կմ սահման Ադրբեջանի հետ, սակայն ամենաամուր եւ շահեկան դիրքերը Տավուշում ու Նախիջևանում են, քանի որ դրանք նախկինում ստեղծված պաշտպանական համակարգի դիրքերն են»,- ասել է պաշտպանության նախկին նախարարը ու հիշեցրել, որ տարիներ առաջ՝ 2020թվականին, մի հրամանով Սյունիքի զորքերը հետ քաշեցին, թեեւ նոյեմբերի 9-ի եռակողմ հայտարարությամբ որոշված էր, որ զորքերը կանգնում են այնտեղ, որտեղ կանգ են առել։

«Այս ամենը տեղի է ունենում մեր իշխանությունների թողտվության, անգրագետ կառավարման, ռազմական իրավիճակին օպերատիվ չարձագանքելու հետեւանքով։ Այն, ինչ կատարվեց Արցախի հետ և այն ինչ կատարվում է այսօր՝ այստեղ», - արձանագրել է պետական գործիչը։

Ըստ նրա՝ ինչու չէ նաեւ դավաճանական պահվածքի պատճառով Գորիս- Կապան ճանապարհից 20 կմ հատվածն անցել է Ադրբեջանի վերահսկողության տակ։ Դրա արդյունքում ադրբեջանցնիներն անցան Սև լիճ և այսօր ամբողջությամմբ վերահսկում են։ Դրա արդյունքում Ներքին Հանդը գտնվում է շրջափակման մեջ։ Սեյրան Օհանյանն ընդգծել է, որ ոչ ոք միանձնյա չի կարող որոշել, թե որտեղ է ՀՀ սահմանը, երբ չի եղել սահմանագծում ու վերահաստատել, որ խնդիրը միայն տավուշցիներինը չէ, այլ Հայաստանինն է ու պետք է ձևավորվի դիմադրության շարժում, իսկ տավուշցիները պետք է լինեն այդ շարժման առաջամարտիկը։

Մանրամասները՝ տեսանյութում։

Աղբյուր` Փաստինֆո