Փաստ ինֆո

Իրականացրել ենք գիշերային լուսավորության լապտերները փակող փոքրիկ ճյուղերի հեռացման աշխատանքներ։ Այս մասին այսօրվա Երևանի քաղաքապետարանի գործակարգավարական խորհրդակցության ժամանակ զեկուցեց «Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանը։ Նա նշեց, որ ամբեղջական աշխատանքները կմեկնարկեն 10 օրից։

«Կարծում եմ, խնդիր կուեննաք ճանապարհային երթևեկության նշանների հետ կապված։ երբ տերևարձակումը լինի՝ մենք կապի մեջ ենք վարչական շրջանների աշխատակազմերի հետ և պատրաստ ենք անմիձապես ստանալու ահազանգերը և իրականացնել աշխատանքները։

Տիգրան Ավինյանն էլ հիշեցրեց, որ անցած շաբաթ էկոակտիվիստների հետ հանդիպման ժամանակ հայտարարել էր, որ ժամանակավորապես կդադարեցվեն ծառերի փոխարինման ծրագիրը՝ ակնկալելով, որ գիտական շրջանակներից կստանաք հիմնավոր որևէ փաստաթուղթ, որը նվազագույնը հարցականի տակ կդներ նախորդ 20-ից ավելի գիտնականների ընդունած փաստաթուղթը։ «Մենք որևէ նորություն ունե՞նք՝ դրա հետ կապված»,- հարցրեց Տիգրան Ավինյանը։

Բեգոյանը պատասխանեց, որ դեռևս որևէ մեկը գիտական հանրության կամ գիտնականների կողմից որևէ հակափաստարկ մինչ այս պահը չի ներկայացրել։ «Ազգային ակադեմիայում նախաձեռնվել էր քննարկում, որտեղ հիմնական միտքը Երևանից թեղիների հեռացման անհրաժեշտությունն էր: Կար դժգոհություն, քանի որ որոշակի կենսաբազմաբազնության ինստիտուտն էր ուզում ներգրավված լինել նաև էկոնոսֆերան, ես խոստացել եմ, որ նրանից էլ ներկայացուցիչներ կներգրացցեն։ ԳԱԱ-ն ասում էր, որ որևէ ինստիտուտ մինչ այս պահը չի հետազոտել, շատ վատ է, որ մինչև այս պահը չեն հետազոտել, որովհետև խնդիրը 2000 թ-ից կախվածէ Երևանի գլխին ու պրոբլեմներ է առաջացնում։ Եթե որևէ մեկը ցանկություն կունենա ավելի մանրակիկիտ հետազոտելու, այդ գերատեսչության խնդիրը կլինի բայց հիմնական մեկը նա էր, որ այո թեղիները սպատել են իրենց ու ԵՐևանի կլիմային այդքան էլ հարմար ծառատեսակներ չեն եղել։ Որ թեղիները Երևան են բերվել՝ հեշտ և արագ լուծում տալու համար, որ որ պետք է դրանք փոխարինել։ Թեղիների փոխարինումը կտևի 10-20 տարի՝ հաշվի առնելով դրանց մեծ քանակությունը»,- ասաց Բեգոյանը։

Ավինյանը հանձնարարեց գիտնականների որոշումը նորից հրապարակել, և եթե կլինեն հակափաստարկներ, գիտական դեբատ, ապա ևս մեկ շրջափուլ հարցը քննարկվի․ միգուցե լինեն բաց թողնված հատվածներ։ «Որպեսզի խոսակցությունը չլինի սիրողական մակարդակի, պետք է լինի մյուս կողմի գիտական պնդումը: Եթե մյուս կողմը գիտական մոտեցում չունի, ուրեմն էմոցիոնալ և սիրողական մակարդակի խոսակցություններ են: Այն ծառերը, որոնք փոխարինվում են, իսկապես կորցրել են ֆունկցիոնալությունը»,- ասաց նա։

Աղբյուր` Փաստինֆո