Փաստ ինֆո

Կեչու հյութը պարունակում է C, B1, B2, B6 վիտամիններ, կալցիում, մագնեզիում, մանգան, ամինաթթուներ և հակաօքսիդիչներ, ասել է մաշկավեներաբան Ռոման Իվանովը: Կեչու հյութի օգտակարության մասին Նա զրուցել է Life պարբերականի հետ։

Վիտամին C-ն, բացատրել է նա, առանցքային դեր է խաղում իմունային համակարգի ամրապնդման և կոլագենի սինթեզի գործում, B խմբի վիտամիններն անհրաժեշտ են էներգիայի նյութափոխանակության, նյարդային համակարգի աշխատանքի և մաշկի առողջության պահպանման համար, իսկ հանքանյութերը (կալիում, մագնեզիում, կալցիում, մանգան և երկաթ) կենսական նշանակություն ունեն օրգանիզմի հեղուկի հավասարակշռությունը պահպանելու, սրտանոթային և նյարդային համակարգի աշխատանքի, ոսկորների և ատամների ամրապնդման համար: Ամինաթթուները օգնում են դուրս բերել տոքսինները եւ աջակցում են նյութափոխանակությանը, իսկ ծերացումը դանդաղեցնող հակաօքսիդանտները նվազեցնում են քրոնիկ հիվանդությունների զարգացման ռիսկը, նշել Է Իվանովը:

Մասնագետը պարզաբանել է, որ թարմ հավաքած կեչու հյութն ավելի լավ է պահել սառնարանում և օգտագործել մեկ-երկու օրվա ընթացքում։ Քրոնիկ հիվանդություններ չունեցող մեծահասակներին բժիշկը խորհուրդ է տվել օրական խմել ոչ ավելի, քան 200-300 միլիլիտր կեչու հյութ՝ շաքարի պարունակության պատճառով, երեխաներին՝ ոչ ավելի, քան 100-150 միլիլիտր: Շաքարային դիաբետով, երիկամների հիվանդություններով և կեչու, գազարի կամ խնձորի նկատմամբ ալերգիա ունեցող մարդիկ պետք է ձեռնպահ մնան կեչու հյութ օգտագործելուց, նախազգուշացրել է Իվանովը:

Աղբյուր` Փաստինֆո