Փաստ ինֆո

Տավուշից հողեր տալու մասին հայտարարությունն արդյո՞՚ք հանցագործության մասին հաղորդում չէ հարցին ի պատասխան ԵՊՀ իրավաբանության նախկին դեկան Գագիկ Ղազինյանն ասաց. «Դուք կհիշեք պատերազմից հետո մի քանի հաղորդումներ եղան շարունակվող հանցագործությունների մասին` Շուռնուխի դեպքերից հետո , այդ թվում իրավաբանների և փաստաբանների միջոցով։ Պրիմիտիվ պարզունակ ճշմարտություններ են սրանք։ Քո տարածքը բռնազավթված է, որևէ մեկը չի ժխտոմ, չի հերքում, այդ թվում նաև` իշխանությունը, բայց մենք չենք մտածում ինչպես վերադարձնել, այլ ասում ենք, որ սա մերը չէ, սա պետք է տալ։Ախր բաներ կան, որ չեն մեկնաբանվում»,- ասել է Ղազինյանը:

«Ընդհանրապես, ըստ Սահմանադրության, ցանկացած տարածքային փոփոխություն կարող է կատարվել միայն հանրաքվեով», - ասել է իրավագիտության դոկտոր, պրոֆեսորը` նշելով, որ թերեւս հենց դրանից խուսափելու համար է հայտարարվում, թե դրանք ՀՀ տարածքները չեն, ուրեմն հանրաքվեի կարիք չկա: Այսպիսով, ինչպես նշեց Ղազինյանը, մենք մեզ հռչակում ենք զավթիչներ, որոնք զավթել են հարեւանի հողերը` հիշեցնելով, որ Արցախի հանձնումն այդպես սկսվեց, երբ հայտարարեց, թե «Արցախը Ադրբեջան է»:

Նշված արարքների համար քրեական օրենսգրքում հոդվածներ կան, սակայն իրավական գնահատականը պետք է դատախազը տա, ուստի Ղազինյանը փաստեց, որ ինքը միայն արձանագրում է, որ իրականացվող քայլերը օրինական չեն:

Աղբյուր` Փաստինֆո