Փաստ ինֆո

Մեծ Բրիտանիայի բնակչուհին երկվորյակ որդիներ է լույս աշխարհ բերել գրեթե մեկ ամսվա տարբերությամբ, գրում է՝ New York Post-ը։

22-ամյա Քեյլի Դոյլը հղիացել է 2020 թվականի հոկտեմբերին։ Շուտով նա իմացել է, որ երկվորյակներ է ունենալու։ Կինը ուշադիր հետևել է իր առողջությանը, և մինչև 22-րդ շաբաթը հղիությունն ընթացել է բնականոն հունով։

«Ես տեղյակ էի երկվորյակներ ունենալու հետ կապված բոլոր ռիսկերի մասին։ 22-րդ շաբաթվա ընթացքում ես պարզապես պառկած էի անկողնում, երբ հանկարծ զգացի իմ ամբողջ կյանքի ամենաահավոր ցավը: Ես չհասկացա, թե ինչ է կատարվում»,-պատմել է կինը։

Նա տեղափոխվել է հիվանդանոց ու 5 օր անց՝ 2021 թվականի մարտի 20-ին ծնվել է երկվորյակներից ավագը, սակայն երեխան մահացած է եղել։

Բիժշկներն ակնկալել են, որ երկվորյակներից մյուսը կծնվի մի քանի ժամվա ընթացքում և եղբոր պես կմահանա, սակայն կնոջ մոտ կծկումները դադարել են ու կինը վերադարձել է տուն։ Դրանից  22 օր անց Դոյլին կեսարյան հատում են արել, և ծնվել է նրա երկրորդ երեխան՝ Աստրոն։ Հակառակ կանխատեսումների՝ նա ողջ է մնացել, թեև վաղաժամկետության պատճառով խնդիրներ է ունեցել երիկամների և սրտի հետ։ Այժմ տղան երեք տարեկան է։

Աղբյուր` Փաստինֆո