Փաստ ինֆո

«Մեզ համար ակնհայտ է, որ Ադրբեջանը փորձում է գտնել, կամ առնվազն մեր գնահատականն է այդպիսին, պատրվակներ տարածաշրջանում նոր պատերազմի մեկնակի համար»,- ասել է վարչապետ նիկոլ Փաշինյանը մարտի 30-ին Արարատի մարզում ՔՊ կուսակցության ակտիվի հետ հանդիպմամ ժամանակ։

Նա սկզբում մեղադրել է Ադրբեջանին, հետո դա վերագրել իր ենթադրությանն ու այդպես ձևակերպել պատերազմի սպառնալիքի մասին իր հիմնավորումն ու անցել նորից Տավուշի մարզից 4 գյուղերը հանձնելու հիմնավորմանը:Նա թվել է գյուղերի ադրբեջանական անուններ ու շարունակել.- «ՀՀ-ում երբեք չեն եղել այդպիսի անուններով գյուղեր, ՀՀ կառավարությունը երբեք էլ հավակնություն չի ունեցել նշված գյուղերի նկատմամբ: Ես ուզում եմ սա շատ հստակ արձանագրենք և մեր քաղաքական դիրքորոշումն ուղերձը այն է, որ ՀՀ-ն ընդհանրապես իր միջազգայնորեն ճանաչված ինքնիշխան տարածքից դուրս որևէ հավակնություն չունի՝ ներառյալ նշված Ադրբեջանի կողմից հիշատակվող գյուղերի տարածքների վրա, օրինակ ուզում եմ իմանաք , որ Կզըլ Հաջիլի գյուղը 100 տոկոսով գտնվում է Ադրբեջանի վերահսկողության ներքո: Իսկ եթե մենք հավակնություններ չունենք կամ եթե այդ գյուղերի տարածքների ինչու չենք համաձայնվում, այդպես չի , որ չենք համաձայնում, մենք ասում ենք, որ մեզ համար կարևոր է ընդգծել, թե որտեղ է սկսվում ՀՀ տարածքը »,- ասել է Փաշինյանը: Նա այստեղ ևս ցույց է տվել ՀՀ տարածքի արդեն հայտնի դարձած թիթեղյա մակետը:

Աղբյուր` Փաստինֆո