Փաստ ինֆո

2023 թվականի ընթացքում դատավորներին կարգապահական պատասխանատվության ենթարկելու վերաբերյալ Դատախազության կողմից ՀՀ արդարադատության նախարարին է ներկայացվել 10 հաղորդում (2022 թվականին՝ 27), որոնցից 5-ի դեպքում մերժվել է դատավորի նկատմամբ կարգապահական վարույթ հարուցելը, 2-ը դեռևս քննարկման փուլում է, իսկ 3 հաղորդման դեպքում ՀՀ արդարադատության նախարարը հարուցել է 3 կարգապահական վարույթ, որոնցից 1-ն ընթացքի մեջ է, իսկ 2-ի դեպքում դատավորին կարգապահական պատասխանատվության ենթարկելու մասին միջնորդությամբ ՀՀ արդարադատության նախարարությունը դիմել է Բարձրագույն դատական խորհուրդ: Այս մասին հայտնում են ՀՀ գլխավոր դատախազությունից։

«Վերոնշյալ երկու միջնորդության քննության արդյունքում Բարձրագույն դատական խորհուրդը կարգապահական պատասխանատվության է ենթարկել մեկ դատավորի՝ նշանակելով «նախազգուշացում» կարգապահական տույժի տեսակը: Երկու դեպքում կարգապահական վարույթը կարճվել է: Դատախազության կողմից նախորդ տարիներին ներկայացված՝ դատավորին կարգապահական պատասխանատվության ենթարկելու վերաբերյալ հաղորդումների հիման վրա՝ 2023 թվականի ընթացքում, Բարձրագույն դատական խորհրդի կողմից մեկ դատավորի նկատմամբ կիրառվել է «նախազգուշացում» կարգապահական տույժը»,- նշված է հաղորդման մեջ։

Նշենք, որ խոսքը Աշոտ Փաշինյանի առևանգման գործով Ազգուշ Մարտիրոսյանի խափանման միջոցի փոփոխման վերաբերյալ որոշում կայացրած դատավորի մասին է։

Աղբյուր` Փաստինֆո