Փաստ ինֆո

Սասունի Բաթման շրջանում 97 տարեկան մորը քուրդ քաղաքացին ուսերի վրա բերել է ընտրատեղամաս, որպեսզի նա էլ քվեարկի։ Այս ակտիվությանը զուգահեռ ընտրությունները ծայրահեղ լարված մթնոլորտում են անցել։ Դա չի խանգարել, որ գրանցվի վերջին 20 տարվա համար աննախադեպ ցուցանիշ։ Ընդդիմադիր քեմալական «Ժողովրդահանրապետական» կուսակցությունը աննախադեպ ցուցանիշ է արձանագրել 1977թ.ից հետո, առաջին անգամ գլխավորելով ՏԻՄ ընտրությունների մրցավազքը։ Կուսակցությունը նման ծավալով և մեծամասնությամբ հաղթել է Թուրքիայի առաջին 3 խոշոր քաղաքներում ՝ Անկարայում, Ստամբուլում, Իզմիրում, ևս մի քանի Ծովափնյա քաղաներում։

Նախորդ ՏԻՄ ընտրություններին 12 խոշոր քաղաքներում գրանցած արդյունքի, այս անգամ ավելացել է ևս 4 քաղաք։ Վերջին 20 տարվա պատմության մեջ իր ստացած քվեներով առաջ է անցել Էրդողանի գրխավորած իշխող «Արդարություն և զարգացում » կուսակցությունից։ Երկրի հարավ -արևելյան հատվածներում ինչպես և սպասվում էր, հաղթանակ է տոնել քրդամեդ «Ժողովուրդների բարեկամության և ժողովրդավարության» կուսակցությունը Մարդինում, Վանում, Դիարբեքիրում։ Հատկանշական է նաև, որ այս անգամ նրանք հաղթանակ են տոնել նաև Հայաստանի հետ սահմանակից Իգդիր նահանգում։

«Ժողորվդահանրապետականները նախկինում 11 խոշոր քաղաքների փոխարեն այս անգամ հաղթանակ են տոնել արդեն 14-ում։ Թուրքիայի ազգությամբ քուրդ բնակչությունը մեծ ակտիվություն է ցուցաբերել ՏԻՄ ընտրություններում։ «Փաստինֆո»-ն արդեն հայտնել է, որ Թուրքիայում կիրակի տեղի ունեցած ՏԻՄ ընտրությունները ուղեկցվել են  զոհերով և անկանխատեսելի արդյունքներով։ Մասնավորապես Anadolu գործակալությանը հայտնել էր  քվեարկության ընթացքում գրանցված զինված միջադեպերի հետեւանքով 2 զոհի մասին։ Քրդաբնակ Դիարբեքիր նահանգում քաղաքացիների երկու խմբի միջև տեղի էր ունեցել փոխհրաձգության։ Ընտրության շուրջ վեճը արագ վերաճել էր զինված հակամարտության։Դիարբեքիրի նահանգեպետարանի պաշտոնական հաղորդագրության համաձայն, զինված բախման արդյունքում կար 12 տուժած, որից մեկը մահացել էր: Սպանվածը քրդամեդ «Ժողովուրդների բարեկամության և ժողովրդավարության» կուսակցության անդամ էր։

Արևմտյան Բուրսա նահանգում բախման հետևանքով զոհվել էր տեղի մեկ բնակիչ, վիրավորվել երկու մարդ։ Վիրավորների թվում էր երեք տարեկան երեխա։ Կոնֆլիկտի պատճառն այն էր եղել, որ տեղի 32-ամյա բնակիչ Յուսուֆ Յիգիթը ընտրություններում պաշտպանել էր գյուղապետի թեկնածուին այլ տեղական կլանից, թեև այդ պաշտոնին հավակնել էին նաև նրա երկու հարազատները։

ՏԻՄ ընտրություններին մասնակցել է 36 կուսակցություն:

Աղբյուր` Փաստինֆո