Փաստ ինֆո

Լոլիկի հյութ խմելն օգնում է ազատվել լարվածությունից և սթրեսից։ Այս մասին նշել է Իրինա Լյալինան՝ խոսելով լոլիկի հյութի օգտակարության մասին։

«Լոլիկի հյութը համարվում է դիետիկ։ Այն լի է A, C, B6, PP, K, Mg վիտամիններով, օրգանական թթուներով և պեկտինային նյութերով։ Նպաստում է ուրախության հորմոնի՝ սերոտոնինի արտազատմանը, հետևաբար օգնում է ազատվել լարվածությունից և սթրեսից։ Կարմիր գույնը վկայում է լոլիկի մեջ լիկոպեն նյութի առկայության մասին, որը բնական ներկ է հակաօքսիդանտ հատկությամբ»,-նշում է մասնագետը ու հավելում՝ հետևաբար, այս բանջարեղենային հյութը ծառայում է երիտասարդության պահպանմանը և սրտի հիվանդությունների նվազեցմանը (քանի որ այն նվազեցնում է վատ խոլեստերինը, մեծացնում է արյան անոթների առաձգականությունը և նվազեցնում արյան մակարդուկների՝թրոմբների առաջացումը), ինչպես նաև կանխարգելում է քաղցկեղը։

Մասնագետի խոսքով՝ օրական կարելի է խմել ոչ ավելի, քան երկու բաժակ լոլիկի հյութ, ցանկալի է՝ ուտելուց 30 րոպե առաջ կամ հետո։

«Այս հյութն ունի հակաբորբոքային հատկություն, ուստի այն օգտակար է ստամոքսի ցածր թթվայնությամբ և տասներկումատնյա աղիքի հիվանդություններ ունեցող մարդկանց համար: Առանց շաքարի լոլիկի հյութը օգտակար է դիաբետով հիվանդների, երեխաների և նիհարել ցանկացողների համար։ Հղի կանայք ևս կարող են և պե՛տք է խմեն այն, քանի որ այն օգնում է հաղթահարել տոքսիկոզը, այտուցը և փորկապությունը: Սակայն այն անցանկալի է կերակրող մայրերի համար, քանի որ երեխաների մոտ կարող է փորլուծություն և ալերգիա առաջացնել»,- ասում է Լյալինան։

Լոլիկի հյութին կարող եք ավելացնել թարմ քաղցր պղպեղ, խոտաբույսեր կամ ընկույզ, մեկ գդալ թթվասեր կամ սերուցք՝ խորհուրդ է տալիս մասնագետը։

«Անշուշտ, ամենաառողջ հյութը պատրաստվում է սեզոնային հասած հատապտուղներից (լոլիկը՝ հատապտուղ է), այլ ոչ թե ձմեռային ջերմոցայինից»,-խորհուրդ է տալիս Լյալինան։

Աղբյուր` Փաստինֆո