Փաստ ինֆո

Կառավարության նիստում փաշինյանական կպչուն վախերի հերթական սեանսի ականատեսը եղանք այսօր, երբ ներկա կառավարության ղեկավարն անդրադառնալով իր խոսքով՝ «ԼՂ-ից բռնի տեղահանված որոշ շրջանակի կողմից կամա թե ակամա արվող գործողություններին ու քայլերին», համարեց, որ դրանք սպառնալիք են ստեղծում ՀՀ ազգային անվտանգության համար:

Հետաքրքիրն այն է, որ ողջ ազգը վեց տարի շարունակ ականատեսն ու վկան է ՀՀ-ին սպառնացող իրական թշնամու՝ ադրբեջանի կողմից հրահրվող և սանձազերծվող իրական վտանգներին, պատերազմին, իր կամոք իրականացված բազմաթիվ հակահայ գործողություններին, բայց ադրբեջան- թշնամի պետության բռնապետական կառավարության՝ ՀՀ-ի հանդեպ վարվող քաղաքականությունը ՀՀ վարչապետը մեր ազգային անվտանգությանը սպառնալիք չի համարում, իսկ, Արցախի՝ իր իսկ հմուտ ջանքերով վտարանդի դարձած կառավարությունից վախենում է։

Հետաքրքիր է նաև, որ փաշինյանական վախը հոգնակի է՝ «Հայտարարում են ինչ-որ վտարանդի կառավարությունների և այլնի մասին»՝ ասում է․․․

Հոգնակին չի՞ նշանակում արդյոք, որ նկատի ունի նաև «Արևմտահայոց վտարանդի կառավարությունը», բայց քանի որ այն Արևմուտքի հետ է զուգորդվում, վախենում է իր այս մի վախը բարձրաձայնելուց․․․
Իրականում նիկոլփաշինյանական վախերը մեկն ու երկուսը չեն, և «երկու վախը մի մահ է» ժողովրդական ասացվածքը քիչ է ու շատ չէ արդեն նրա համար։

Մանավանդ, եթե հաշվի առնենք, որ աղետներով հարուստ իր վեցնամյակի ավերակները վերականգնելու համար մեզ էքստրեմալ իրավիճակներում կառավարելու հմտություններով օժտված կառավարություն և վարչապետ՝ օդուջրի պես է անհրաժեշտ լինելու։

Եվ, բնականաբար՝ Հայաստանի Հանրապետությունում բացի Հայաստանի Հանրապետության կառավարությունից, որևէ այլ կառավարություն չի կարող գոյություն ունենալ: Հուսանք՝ շուտով․․․

Աղբյուր` Փաստինֆո