Փաստ ինֆո

Ադրբեջանցիները միշտ էլ մեծ ախորժակ են ունեցել մեր տարածքների նկատմամբ։ Արցախյան պատերազմից հետո մի քանի երկրների հետ դաշինք կազմեցին, այսօր մեր պետական սահման են մտել, որի հետ մեծ խնդիրներ կան։ Մենք դեռ չենք կարողացել նրանց վռնդել մեր սահմաններից և մինչև մեր սահմաններից դուրս չգան՝ այսօրվա մեր իշխանությունը մեր հայրենակիցներին իրենց տներից հանելու իրավունք չունի։ «ՓաստԻնֆոյի» եթերում ասել է «Ուժը հայրենյաց» կուսակցության նախագահ Տիգրան Արզաքանցյանը։

Բանախոսի դիտարկմամբ, այսօր մեր կառավարությունը պետք է պահանջի Նախիջևանը, պատմական մեր հողերը, Արևմտյան Հայաստանը, նախագահ Վիլսոնի ասած՝ «եթե պետությունը ծով չունի՝ պետություն չէ», մեր ծովն ու ծովափերը, Կարսը, Վանա լիճը, բոլոր տարածքները պահանջի, որոնք մնացել են թուրքի տիրապետության տակ, չունեն կարգավիճակ։ Չենք մտածում մեր տարածքները պահանջելու մասին։ Մտածում ենք՝ ինչպես անենք մեր տարածքները տանք՝ թուրքի ձայնը կտրենք։

Բանախոսը նշում է, որ Ոսկեպարի և Տավուշի 4 գյուղերի հանձնումից հետո նրանք կպահանջեն 20-30 համայնք Վարդենիսի կողմից՝ որ մտնեն Սևան։ Մենք ոչ մի բան չպետք է հանձնենք, մենք պետք է պահանջենք։ Եթե մենք չենք պահանջում մեր իշխանություններից՝ իշխանությունը ինչ ուզում՝ այն էլ կատարում է։ «Ժողովրդին ասում էինք դուք եք վարչապետը, հիմա այդ ժողովրդից պետք է հարցնել՝ այո թե՞ ոչ։ Ես հարց եմ բարձրացրել՝ Արևմտյան Հայաստանի մասին ինչու՞ չենք խոսում, Նախիջևանից չենք խոսում, միայն խոսում ենք Արցախից և մեր եղածը չենք պահանջում»,- ասել է Տ․ Արզաքանցյանը:

Անդրադառնալով Թուրքիայի հետ հարաբերություններին, բանախոսը նշեց, որ Թուրքիան մեզ միշտ որպես թշնամի է ընկալում։ Մենք ինչքան գնում ենք դեպի Եվրոպա՝ այնքան մեծ կորուստների ենք գնում։ Եվրոպան, Ամերիկան ՆԱՏՕ-ի ռազմավարության տիրապետության տակ է, ՆԱՏՕ-ի անդամ են, իսկ ՆԱՏՕ-ի անդամներից մեկը Թուրքիան է և մեզ համոզելով կարող են Թուրքիայի մարզ դարձնել։ Թող ժողովուրդը ավելի խորը մտածի, թե ում է ընտրելու գլխավոր հրամանատար, որ այս պատերազմական իրավիճակում ճիշտ որոշումներ կայացնի, որովհետև մենք ինչքան բարի և ներող ենք՝ այնքան մեզ կհալածեն։

Մանրամասները՝ տեսանյութում։

Աղբյուր` Փաստինֆո