Փաստ ինֆո

Հայաստանի և Ռուսաստանի հարաբերություններում ստեղծված իրավիճակը լավատեսություն չի ներշնչում Հայաստանի ղեկավարության դիրքորոշման պատճառով, որը գիտակցաբար կործանում է հարաբերությունները ՌԴ-ի հետ։ Այս մասին մարտի 28-ին «Իզվեստիա»- ին տված հարցազրույցում հայտարարել է Ռուսաստանի արտգործնախարար Սերգեյ Լավրովը։

«Հայաստանում ես արդեն մեկնաբանել եմ ներկա իրավիճակը, այն, իհարկե, լավատեսություն չի ներշնչում։ Հայաստանի ղեկավարությունը, ուղղակի ասենք, մտացածին պատրվակներով, խեղաթյուրելով վերջին 3-3,5 տարվա պատմությունը, գիտակցաբար գործը տանում է դեպի Ռուսաստանի Դաշնության հետ հարաբերությունների փլուզում», - ասել է նա։

Լավրովի խոսքով՝ Երեւանի այդ կուրսը դրսեւորվում է Գյումրիի 102-րդ ռազմաբազայում ծառայություն իրականացնող ռուս զինծառայողների, սահմանապահների, ինչպես նաեւ Հավաքական անվտանգության պայմանագրի կազմակերպության (ՀԱՊԿ)՝ ընդհանուր առմամբ:

Երևանում չեն նշում, որ հենց ՀԱՊԿ-ն է բազմիցս պաշտպանել Հայաստանի շահերը ծանր իրավիճակներում և 2021 թվականին պատրաստ է եղել երկիր ուղարկել իր խաղաղապահ առաքելությունը, որպեսզի նվազեցնի լարվածությունը Ադրբեջանի հետ հարաբերություններում, նշել է ՌԴ ԱԳՆ ղեկավարը։

Նա հիշեցրել է, որ այս առաքելության մանդատն ամբողջությամբ համաձայնեցվել է 2021 թվականի աշնանը Երևանում կայացած նախարարական հանդիպման ժամանակ, որից հետո ՀՀ վարչապետ Նիկոլ Փաշինյանը հայտարարել է կոնսենսուսի բացակայության մասին և երկիր կանչել Եվրամիության նմանատիպ առաքելություն։

Հետագայում այն կրկնապատկվել է, իսկ այժմ այնտեղ զինծառայողներ են ուղարկվում Նորվեգիայից, Կանադայից և ԱՄՆ-ից՝ Եվրամիության առաքելությունը վերածելով ՆԱՏՕ-ի առաքելության, հավելել Է Լավրովը ։

Աղբյուր` Փաստինֆո