Փաստ ինֆո

ԱՄՆ-ի Արիզոնա նահանգի Բակայ քաղաքում վեց ամիս շարունակ դպրոցականների հետ սեռական հարաբերություն ունենալու համար երեք ուսուցչուհի է ձերբակալվել: Այս մասին գրում է Daily Mail-ը:

Մարտի 20-ին 23-ամյա Ալիսա Թոդի ձերբակալությունից հետո ԶԼՄ-ները ուշադրություն են հրավիրել այն փաստի վրա, որ նա 2023 թվականի սեպտեմբերից դարձել է այդ քաղաքի արդեն երրորդ ուսուցչուհին, որը դատի է տրվել մանկահասակ երեխաներին գայթակղելու համար։ Թոդի դեմ հետաքննությունը սկսվել է այն բանից հետո, երբ ամուսինը նրա իրերի մեջ գտել է սեռական բնույթի ձեռագիր գրառումներ, ինչպես նաև նրա նամակագրությունը 15-ամյա դեռահասի հետ: Ինչպես ավելի վաղ հայտնել էինք՝ կնոջ համար դիմում է գրել նրա սկեսուրը։

Թոդի ձերբակալությունից անմիջապես հետո պարզվել է, որ սեպտեմբերին նմանատիպ մեղադրանքներով ձերբակալվել է նույն դպրոցի ուսուցչուհի, 42-ամյա Ջեսիկա Կրամերը։ Նրան մեղադրել են 17-ամյա աշակերտի հետ սեռական հարաբերություններ ունենալու մեջ։ Քննիչների պնդմամբ՝ կինը դեռահասին բռնաբարել է 2022 թվականի օգոստոսից։

Հոկտեմբերին ուսուցչի 23-ամյա ասիստենտ Դիանա Պիրվային մեղադրել էին 13-ամյա աշակերտի հետ ոչ պատշաճ հարաբերությունների մեջ։ Ոստիկանություն են դիմել դեռահասի ծնողները, որոնք հայտնաբերել են նրա նամակագրությունը ուսումնական հաստատության աշխատակցուհու հետ։ Ավելի ուշ պարզվել է, որ նա բազմիցս սեռական հարաբերություն է ունեցել տղայի հետ դպրոցից դուրս:

Նշվում է, որ դպրոցը, որտեղ դասավանդել են Կրամերն ու Թոդը, գտնվում է ընդամենը մի քանի կիլոմետր հեռավորության վրա այն դպրոցից, որտեղ աշխատել է Պրիվուն: Քաղաքի իշխանությունները որևէ կերպ չեն մեկնաբանել այս հանգամանքը, իսկ ոստիկանությունից հայտնել են, որ «շարունակելու են պայքարը հանցագործների դեմ, հատկապես նրանց, ովքեր պետք է հոգ տանեին մեր համայնքի խոցելի անդամների մասին»:

Աղբյուր` Փաստինֆո