Փաստ ինֆո

ԱՄՆ-ում դատարանի առջև է հայտնվել Ֆլորիդա նահանգի ուսուցչուհին, ով բռնաբարել է դպրոցականին և վճարել նրան լռության համար: Այս մասին հայտնում է WFTX-TV-ն։

Մարտի սկզբին 32-ամյա Լորեն Քինգին երկու մեղադրանք էր առաջադրվել խնամարկյալի հետ ոչ պատշաճ հարաբերությունների համար։ Հունվարի 28-ին կինը 12-ամյա աշակերտին անձնական համար է տվել և ասել, որ նա պետք է ջնջի իր բոլոր հաղորդագրությունները: Դրանից հետո նա սկսել է երեխային ուղարկել իր մերկ լուսանկարներն ու տեսանյութերը, որոնցում «սեռական գործողություններ է կատարում»։

Ավելի ուշ Քինգը խոստացել է ծննդյան օրվա առթիվ տղային ինչ-որ գումար նվիրել, իսկ հետո հանդիպել է նրա հետ և սեքսով զբաղվել իր մեքենայի հետևի նստարանին։ Ոստիկանության հաղորդագրության համաձայն՝ դրանից հետո նա 235 դոլար է փոխանցել դպրոցականին, ինչպես նաև գնել սնունդ և օծանելիք, որպեսզի նա ոչ ոքի չպատմի կատարվածի մասին: Ավելի ուշ Քինգը նրա համար գնել է նաև iPhone, ականջակալներ և համակարգիչ։

Քննության տվյալներով՝ կինը փորձել է երեխայի մոտ խանդ առաջացնել՝ պնդելով, որ սեռական կապի մեջ է եղել այլ դպրոցականների հետ։

Երեխայի ծնողները ոստիկանություն են դիմել մարտի 3-ին, երբ հայտնաբերել են նրա նամակագրությունը Քինգի հետ։ Նշվում է, որ մինչ այդ նրանք զանգահարել են ուսուցչուհուն, և նա խնդրել է իրեն մեկ շաբաթ ժամանակ տալ՝ «աշխատանքից ազատվելու և հեռանալու համար»: Քինգը կալանքի տակ է մարտի 7-ից։ Նրա գործով առաջին դատական նիստը նշանակված Է ապրիլի 8-ին։

Աղբյուր` Փաստինֆո