Փաստ ինֆո

Փորկապության կանխարգելման համար օգտակար է ավելի շատ ֆերմենտացված կաթնամթերք օգտագործել, օրինակ՝ կեֆիր, և մաքուր ջուր խմել, խորհուրդ է տվել գաստրոէնտերոլոգ Քսենիա Վորոշիլովան։ Նրա խոսքերը մեջբերում է «Газета.Ru»-ն:

Աղիների աշխատանքի տարածված խանգարման գլխավոր պատճառը բժիշկն անվանել է ոչ ճիշտ սնվելն ու խմելու ռեժիմի խախտումը։ Նրա խոսքով՝ այն մարդը, ով օրական 400 գրամից պակաս բանջարեղեն, միրգ և մանրաթել պարունակող այլ մթերքներ է օգտագործում, վաղ թե ուշ կբախվի այս խնդրին:

Հակացուցումների բացակայության դեպքում անհրաժեշտ է օրական խմել առնվազն մեկուկես-երկու լիտր ջուր։ Ավելի լավ է, եթե այն գոլ լինի՝ աղիքներ արագ ներթափանցելու համար։

Բացի այդ, փորկապության հակումով մարդկանց, Վորոշիլովան խորհուրդ է տվել նվազագույնի հասցնել սննդակարգում արագ ածխաջրերով ուտեստների առկայությունը' սպիտակ շիլա, բրինձ, մակարոնեղեն:

Եթե փորկապություն, այնուամենայնիվ, տեղի է ունեցել, ըստ գաստրոէնտերոլոգի, անհրաժեշտ է ավելացնել ֆերմենտացված կաթնամթերքի, ինչպես նաև չրերի օգտագործումը: Խնդիրը հաղթահարելու համար կօգնեն նաեւ քաղցր հատապտուղներից եւ մրգերից պատրաստված մուրաբաները, սակայն դրանք կարելի է ուտել սահմանափակ քանակությամբ՝ շաքարի մեծ պարունակության պատճառով, նախազգուշացրել է բժիշկը:

Վերջում Վորոշիլովան խորհուրդ է տվել պարբերաբար ուտել մագնեզիում պարունակող մթերքներ, օրինակ՝ լոբազգի, ավոկադո, քանի որ այդ միկրոտարրը նպաստում է աղիների թուլացմանը և նրա պերիստալտիկայի բարելավմանը:

Աղբյուր` Փաստինֆո