Փաստ ինֆո

Ի՞նչ է նշանակում պատերազմ է տեղի ունենալու։ Հարց է, թե արդյո՞ք մենք պատրաստ ենք պատերազմի, իսկ երկիրը պետք է միշտ պատրաստ լինի պատերազմի։ Ն․ Փաշինյանի հայտարարության իմաստը այն է, որ, եթե հիմա չհանձնվենք՝ հետո ենք հանձնվելու։ «ՓաստԻնֆոյի» եթերում ասել է Գերագույն խորհրդրի նախկին պատգամավոր, հասարակական-քաղաքական գործիչ Ազատ Արշակյանը։

Բանախոսի դիտարկմամբ, փորձը ցույց տվեց, որ այս իշխանությունը չի պատրաստվել, չի պատրաստվում և պատրաստ չէ պատերազմի։ Վարչապետի հայտարարությունը՝ պաշտոնին չհամապատասխանելու մասին էր։ Դա ինքնախոստովանություն էր, որ հայրենիքը պատերազմին չի պատրաստել։

Անդրադառնալով սահմանազատմանը, բանախոսը նշեց, որ կան կարմիր գծեր․ Սովետական Հայաստանի սահմանները կարմիր գծեր են։ Փաստաթղթեր պետք է լինեն, Գերագույն սովետներ են եղել՝ սահմանները հենց այնպես չեն գծվում։ Վուդրո Վիլսոնի գծած քարտեզը թող պահանջեն, Ազգերի լիգան էլ է սահման գծել։

ՀՀ գործող իշխանությունների կողմից տարածքային զիջումների առնչությամբ փորձագետը նշեց, որ զիջումները օրենքի կոպիտ խախտում են լինելու, դա պետական հանցագործություն է։ Սահմանադրության մեջ նշված է, որ սահմանների փոփոխությունը հանրաքվեով պետք է լինի։

«ՀՀ-ում երեք հոգի զինվորական ծառայաության համար պիտանի չեն ըստ իրենց մասնագիտության՝ Պաշտպանության նախարարը, օրինակ, զինվորական հանցագործողության համար դատապարտվել է։

Այսինքն, նախարարը հակազինվորական է։ Կարելի է ամբողջ բանակը զորացրել, քանի որ դա բանակի ոչնչացման հանգամանքը է, երբ հրամանատարները պրոֆեսիոնալ չեն։ Այդ եռյակը ՀՀ-ն զինաթափողն են»,- ասել է Ա․ Արշակյանը։

Մանրամասները՝ տեսանյութում։

Աղբյուր` Փաստինֆո