Փաստ ինֆո

«Ծաղկազարդ․ մուտք գործենք մեր սրտի Երուսաղեմը»,  այդպես է քարոզը սկսել Տավուշի թեմի առաջնորդ Բագրատ արքեպիսկոպոս Գալստանյանը։

Նա անդրադարձել է Ծաղկազարդի պատմությանը և համեմատել մեր ժամանակների իրադարձությունների հետ։ Սրբազանն արձանագրել է, որ մինչու այսօր շարունակվում են ուրացությունը, դավաճանությունը, լքվածությունը, չարչարանքը, տառապանքը, խաչելությունը, բայց և հարությունն ու հաղթանակը։ Սրբազանը հարց է ուղղել հավատացյաններիս, թե մեզանից քանի՞ մարդ է ցանկանալով ասում․ «Թող աչքերս բացվեն, որպեսզի տեսնեմ ճշմարտությունը, տեսնելով՝ չվախենամ այդ ճշմարտությունից, ճշմարտությունը տեսնելուց չվախենալով՝ ազատագրվեմ ստից, կեղծիքից ու խաբեությունից։ Նա ճշմարտությունը ճամաչելու կոչ է արել. «Ճանաչեք ճշմարտությունը և ճշմարտությունը կազատի ձեզ»։ 

«Ձեր հավակնությունները թող չդառնան ճշմարտություն ձեր կյանքում: Մարդու պատմությունը հանձնվելու պատմություն է․․․ Մեր ընտրությունն է՝ հանձնվել չարի՞ն և ստրկանա՞լ, թե՞ հանձնվել Աստծուն և ազատագրվել», - ասել է սրբազանն աու ավելացրել, որ հոգևոր պատերազմի մեջ ենք գտնվում, որը շոշափելի է դառնում մեր Հայրենիքի անընդհատ կորստով:

Տավուշի թեմի առաջնորդն հիշեցրել է, որ Ավագ Շաբաթը յուրաքանչյուրի համար ինքնաքննության ժամանակ պետք է լինի։

«Գիտե'ք մեր երկրում տեղի ունեցող իրադարձությունները։ Դրանք ընդամենը մի քանի կիլոմետր են այստեղից հեռու։

Թող ամեն մարդ գնահատի և որոշի, թե որտեղ է գտնվելու ինքը այդ ճշմարտության մեջ ու դիմել է մանուկներին «Մեծերիս պատասխանատվությունը պիտի լինի, որ տարիներ հետո այսօրվա նույն խոսքերը դուք չլսեք, այսօրվա մեր բեռը չդարձնենք ձեր բեռը, սիրելի՛ զավակներ»: 

Աղբյուր` Փաստինֆո