Փաստ ինֆո

Օգնեք խնդրում եմ, կատարեմ Պապիկիս վերջին ցանկությունը... Նրա վերջին ցանկությունն էր, որ այս նամակը հասնի Փաշինյանին, գրում է Աննա Մեկունցը։

«ՆԱՄԱԿ ՓԱՇԻՆՅԱՆԻՆ։ 

Դուք ևս մեկ անգամ վիզ առաք, որ Դուք եք հանձնել, մատաղ տվել Արցախը, իբրև թե Հայաստանի փրկության համար։ Ասենք, որ Դուք դրանով հիմք եք դրել Հայաստանի շուտափույթ վերացմանը։ Հիշե'ք

Ավոի իմաստուն խոսքը։ Խոսում եք արցախահայերի վերադարձի մասին, ցանկանում եմ, որ Դուք հասկանաք և հասկացնեք համաշխարհային կոմպիտենտ այրերին հետևյալը.

1. ●Բոլորդ գիտեք, որ Արցախի տղամարդիկ, 10% կանայք և աղջիկներ, ովքեր մասնակից են եղել պատերազմին, ըստ Ադրբեջանի համարվում են տերորիստներ։ Ի՞նչ կլինի նրանց հետ, երբ վերադառնան։ Մենք կասենք. թշնամին Տիգրանակերտի ավերակների վրա կառուցում է բազմահազարանոց դատապարտվածների համար ճամբար` ձրի ուժ քարահանքում աշխատելու համար։

2. ●Որտե՞ղ պիտի պարտադիր ծառայության անցնեն մեր տղաները. թուրք-ադրբեջանական բանակում։Թե ի՞նչ ֆիզիկական և բարոյական տանջանքների, ստորացումների, նսեմացումների կենթարկվեն` միայն Աստված ու մենք գիտենք։Արդյո՞ք բոլորը կվերադառնան առոք-փառոք, նորից միայն Աստված ու մենք գիտենք։

3. ●Ադրբեջանը կանտեսի բոլոր պայմանավորվածությունները ու կոնֆլիկտներ կառաջացնի Հայաստանի հետ։ Միշտ առաջնագծում կլինեն Արցախի հայ տղաները` որպես կենդանի վահան, իսկ եթե մեր տղաները չկրակեն իրենց հարազատների վրա` թիկունքից կրակ կստանան։ Արի ու պարզիր` ո՞վ ում գնդակից զոհվեց։ Պատերազմ է...իսկ պատերազմում զոհվում են։ Կոնֆլիկտների հաճախականությամբ, կարճ ժամանակում , կվերացվի Արցախի արու գենոֆոնդը։ Կմնան մանուկներ, դեռահասներ, աննամուս (բռնաբարված) աղջիկներ, այրի կանայք։Նրանք կամ պիտի ասիմիլացվեն, կամ դեպարտացվեն։ Թե ի՞նչ տեղի կունենա դեպարտացման անցակետում, կրկին գիտի Աստված ու Մենք։Կբաժանեն բոլորը բոլորից, կմնան ծերերը և հաշմանդամները։ Բոլոր համաշախարհային կոմպիտենտ կազմակերպություններն ու այրերը, որոնք կոչված են որոշելու ազգերի, ժողովուրդների ճակատագրերը` մեր դեպքում ՉԵՆ ԳՈՐԾԵԼ, որովհետև բոլորը կապված են Ադրբեջանի ախոռին (նավթ, գազ, խավիար, դոլար, եվրո)։

Յուղալի պատառը ավելի թանկ է, քան մի բուռ ժողովուրդի Ճակատագիրը...

Նրանք կողմնորոշվում են իրենց ինտերնացիոնալ օրենքներով, որտեղ ապրում են տասնյակ ազգություններ, որոնց միջև ծագած կոնֆլիկտները, ինչպես ծագում, այնպես էլ հանգչում են։ Բայց սա, երկու ազգերի` մեկը մյուսի ի սպառ ոչնչացման հարց է (անհամատեղելի են ինչպես կրակն ու ջուրը)։

Այստեղից եզրակացություն. եթե Արցախը ինքորոշվի որպես ազատ, անկախ, պետական միավոր, լինի աշխարհի կոմպիտենտ կազմակերպությունների, տերությունների պաշտպանության ներքո` թե' քաղաքական, և թե' առանձնապես ռազմական տեսանկյունից, գուցե արցախցիները վերադառնան ու տեր կանգնեն իրենց հող ու ջրին, հայրենիքին.

Այլընտրանք չկա, հավատ չկա...

Խնդրում եմ, այս 3 կետերի իմաստը հասցրեք համաշխարհային կոմպիտենտ մարմիններին ու պետական այրերին։

Արցախից տեղահանված 82֊ամյա

Համլետ Բախշիի Ավանեսյանից», գրել է նա.

Աղբյուր` Փաստինֆո