Փաստ ինֆո

Ահաբեկչության ժամանակ «Կրոկուս Սիթի Հոլում«շ» երաժշտական խմբի համերգին ներկա գտնվող տղամարդը ՌԻԱ Նովոստիին պատմել է, որ ինքը կնոջ հետ սպասում էր համերգին, սակայն ինչ-որ պահի դահլիճ են մտել հրաձիգները եւ սկսել են մարդկանց սպանել:

«Եկանք (կնոջս հետ-խմբ.), նստեցինք, սպասում էինք համերգին։ Մենք սիրում ենք այս խումբը: Երկար սպասեցինք, դեկտեմբերին դեռ տոմսեր գնեցինք, երկար սպասեցինք, որ ավելի լավ տեղեր կլինեն։ Ընտրելցինք։ Իսկ հետո այդ հրաձիգները ներս մտան, սկսեցին մարդկանց սպանել», - պատմել է ականատեսը, ով ներկայացել է որպես Մաքսիմ։

Նա նաև պատմել է, թե ինչպես է իրեն հաջողվել դուրս գալ։ Նրա խոսքով՝ սկզբում ինքն ու իր կինը կորցել էին իրար, պառկած էին համերգասրահի հատակին։

«Կինս առաջինը դուրս վազեց ինչ-որ կնոջ հետ, իսկ ես վազում էի ու շարքերով փնտրում նրան, մտածում էի՝ նա դեռ դահլիճում է։ Եվ հետո լսեցի պայթյուն, սև ծուխ բարձրացավ։ Երևում էր, որ հրդեհը բռնկվել է։ Կարծես կրակոցները սկսեցին հանդարտվել, հետո ավելացան», - հավելել է նա։ Դրանից հետո նա դուրս է վազել դահլիճից և, ենթադրաբար, անվտանգության աշխատակիցներից մեկը ցույց է տվել, թե ինչպես դուրս գալ:

«Հետո մարդկանց հիմնական խումբը վազեց դեպի կամուրջը։ Բայց ես բղավեցի կնոջս, որ նա չվազի այդ կողմը, Աստված մի արասցե, որ այն ականապատված լինի, բոլորս ջրի մեջ կհայտնվենք: Մենք վազեցինք Մոսկվայի կառավարական շենքի ուղղությամբ», - եզրափակել է նա։

Մաքսիմը հավելել է, որ ներկայումս իր կինը տանն է և վախենում է դուրս գալ:

Աղբյուր` Փաստինֆո