Փաստ ինֆո

Երևանում կայացել է «Բնապահպանական, սոցիալական եւ կառավարչական սկզբունքներ․ բիզնեսի համար հնարավորությունների բացահայտում» խորագրով տարածաշրջանային կոնֆերանսը, որը կազմակերպել է «ԲիԴիՕ Արմենիա» ընկերությունը։ Քննարկվեցին կայուն զարգացմանը, բնապահպանական, սոցիալական, կառավարչական խնդիրներ բիզնեսի եւ խորհրդատվական ընկերությունների, ինչպես նաեւ արտերկրյա մասնագետների մասնակցությամբ։
ԶՊՄԿ կայուն զարգացման գծով տնօրեն Արմեն Ստեփանյանն ընդգծել է.

«Ժամանակակից բիզնեսը մի քիչ այլ հարթության մեջ է գտնվում, և միայն հարկերը վճարելը բավարար չէ։ Պետք է հասկանալ արդյոք այն արտադրանքն, ինչ դու տվել ես, ի՞նչ ձևով ես տվել և արդյոք հետևե՞լ ես էթիկայի կանոններին։ Եվ այդ էթիկայի բաղադրիչը բիզնեսում հենց ԲՍԿ չափանիշներն են, որոնց հետևելը չպետք է լինի միայն բարի կամքի դրսևորում, քանի որ ժամանակակից աշխարհում այդ չափանիշներին չհետևող ընկերությունները շատ արագ դուրս կմնան մրցակցությունից»,- հավելել է նա։

Կոնֆերանսի ընթացքում ելույթներ են ունեցել և պանելային քննարկումներին են մասնակցել տարբեր ոլորտներ ներկայացնող հայաստանյան և միջազգային ընկերությունների ներկայացուցիչներ, մասնավորապես կայուն զարգացման զեկույցներ մասին։
Պանելային քննարկան ընթացքում ԶՊՄԿ կայուն զարգացման գծով տնօրենի տեղակալ Աննա Սաղաբալյանն ընդգծել է, որ կայուն զարգացման զեկույցի կարևորագույն խնդիրն է, որ այն ընթերցելիս պարզ լինի ընկերության ռազմավարությունը, թե ու՞ր է այն գնում։

«Հազվադեպ կարող ես հանդիպել ընկերություն, որն իր զեկույցով ցույց է տալիս իր ռազմավարական ուղղությունը։ Կարևոր է նաև ընկերության ներսում ոլորտի առաջատարների առկայությունը։ Մի հարց է խնդիրների հայտնաբերումը, հաջորդը՝ արդյոք քո ռազմավարությունն ունի այդ ամենի լուծման բանալիները։ ԶՊՄԿ-ում մենք ունենք գործողությունների ծրագիր և գնում ենք այդ ուղղությամբ։ Մենք ուզում ենք դառնալ աշխարհում հանքարդյունաբերության ոլորտում առկա լավագույն ընկերությունների հետ մրցակցող ընկերություն»,- շեշտել է նա։

Աղբյուր` Փաստինֆո