Փաստ ինֆո

Կյանքում առաջին անգամ արտերկիր մեկնող ամերիկացի զբոսաշրջիկը դաժան ծեծի է ենթարկվել տեղի տաքսու վարորդի կողմից և կորցրել մի աչքի տեսողությունը։ Կարիբյան ավազանում տեղի ունեցած միջադեպի մասին հայտնում է Daily Mail-ը։

Հստակեցվում է, որ 48-ամյա Սույապա Ռամոսը հանգստի է գնացել ընկերոջ հետ՝ նշելու իր ծննդյան տարեդարձը արևադարձային Թերքս և Կայկոս կղզիներում։ Ճամփորդության վերջին երեկոյան ընկերները նստած են եղել բարում, այնուհետև տղամարդը որոշել է գնալ կազինո և մենակ թողել ընկերուհուն։ Կինը փորձել է տաքսի կանչել, սակայն չի հաջողվել։ Նրան օգնության է հասել տեղի 29-ամյա բնակիչ Դևիդսոն Մարտինը՝ ասելով, որ ինքը տաքսու վարորդ է աշխատում և կարող է տանել նրան։ «Թվում էր, թե բարում բոլորը ճանաչում էին նրան, և ես համաձայնեցի», -մեկնաբանել է տուժած կինը:

Ճանապարհին Մարտինը հանկարծ որոշել է մտնել իր տուն մարիխուանայի համար: Ռամոսը նրանից խնդրել է զուգարանից օգտվելու թույլտվություն, և երբ դուրս է եկել, հանդիպել է զայրացած տղամարդու։ Նոր ծանոթը նրան քարշ տվեց ննջարան ու սկսեց բռունցքով հարվածել նրա դեմքին:

Զբոսաշրջիկին հաջողվել է ազատվել ու փախչել։ Կնոջը տեղափոխել են հիվանդանոց, որտեղ նա ստացել է տասը կար։ Հարձակման հետևանքով Ռամոսը կորցրել է մեկ աչքի տեսողությունը, ինչպես նաև կորցրել է մի ականջի լսողությունը։

Ոստիկանությունը ձերբակալել է կասկածյալին, սակայն շուտով նրան գրավի դիմաց ազատ են արձակել։

Աղբյուր` Փաստինֆո