Փաստ ինֆո

«Էն տե՞ղն ես գնում, գիտե'մ շենքը հայտնի օրենքով գողի բակ էր» ,- հարցով ու ժպիտով տաքսու վարորդը ցույց տվեց, որ հենց նոր առեւտուր արած քաղաքացին կարող է նստել, իսկ մինչ այդ ուղղեց մեքենան, բաց արեց դռները։

Երեւան, 2024 թվականի մարտի 21։ Տաքսու վարորդը մեքենան կայանել էր Երեւանի կենտրոնում գործող սուպերմարկետներից մեկի մոտ ու սպասում էր ուղեւորի։ Խանութից դուրս եկող ամուսինների դեմքը ծանոթ էր, էլի էր տուն տարել ու անմիջապես ընդառաջ գնաց։

Վարորդը մի օրենքով գողի անուն տվեց, գիտեր, որ ուղևորը գիտեր նրան, հարևանն էր եղել։

Ճանապարհին, էլ ավելի յուրահատուկ խոսակցություն ծավալվեց։ «Սրան ե՞րբ ենք հանելու (օրվա իշխանություններին-հեղ.), լավ նեղում են ընդդիմադիրները, բայց դե օգո՞ւտը. ի՞նչ պիտի արվի » .... ու սկսվեց արդեն խիստ ներքաղաքական խոսակցություն։ Տաքսու վարորդը նշեց. «ում գիտեմ, որ 2018-ին գնացել ա հրապարակ, հիմա ասում ա ես չեմ եղել։ Չի ուզում խոստովանել, որ խաբված ա ։ Բնական ա , ո՞վ ա սիրում խաբվել , հետն էլ խոստովանել, որ խաբվել ա» , - հետո արդեն սկսվեց քաղաքի անց ու դարձից պատմությունները։ Տաքսու վարորդը տեղյակ էր, թե Երևան քաղաքում, որ քրեական հեղինակությանը երբ են սպանել, ով և ում համար է հետո վրեժ լուծել ու սպանվել, անգամ որ սպանությունը չի բացահայտվել իրավապահների կողմից։

Գիտեր խորհրդային ժամանակներում Երևանի որ թաղամասում ինչ հիմնակ կար ու հետո այդ շենքն ինչ արվեց, կա , թե քանդել տեղն ուրիշն են կառուցել ։ Ասում է «ես դեռ իմ 3 տարեկան ժամանակներից ամեն ինչ հիշում եմ, մարդիկ իրար հարգում էին, իրար համար հոգի էին տալիս։ Հիշում եմ, որ մեր սենյակներից մեկում մի հատ երկաթից «կռավաթ» էր դրած, վրեն թռնում էին։ Էտ մեր ժամանակվա բատուտն էր» ,- ու ծիծաղում է, հետո լրջանում .- «էս ի՞նչ է դառել հիմա, էս ի՞նչ արին սրանք» ու հոգոց հանում։ Ուղևորին ամբողջությամբ մանրամասնորեն պատմում է, թե այդ շաբաթվա ԱԺ-ի հարց ու պատասխանին, որ պատգամավորն ի՞նչ հարցրեց ու ինչ պատասխան ստացավ։

«Էտ ի՞նչ թիթեղ ա հետը ման տալիս, բա չի՞ ամաչում, լավ ինչքա՞ն կարելի ա ։ Գնաց ասե՛ց Արցախը Հայաստան ա, հետ եկավ՝ ասե՛ց Ադրբեջան ա , լավ սենց ո՞ւր ենք գնում, լավ որ Տավուշից էլ տվեց, բան ա՞ մնում տակը» ։ Տաքսու վարորդն ուղևորին վստահեցրեց.- « եթե Փաշինյանի դեմ թեկուզ Լևո՛նը» , - ճշտեց, որ առաջին նախագահին նկատի ունի, թե նոր մարդ է աչքով ընկել ներքաղաքական դաշտում ,- «Եթե Լևոնը ոտի հանի, ես գիտեմ՝ տղերքը սաղ քշելը կթողնեն , բան ու գործ կթողնեն կգան միտինգի, դե մի քանի օր էլ փող չենք աշխատի, բա փողն ո՞ւմ ա պետք, հեսա- հեսա տներիս են հասնում» , - ասաց տաքսու վարորդը։

Ճանապարհը երկար չէր, բայց ուղևորին վարորդը լավ ծանոթ էր ու վստահ էր, որ իրեն հասկացող հայրենակցի հետ է խոսում ու կիսվում , խնդրեց իր խոսքը տեղ հասցնել։

Տաքսու վարորդի այս խոսքերը թերեւս լավագույնս են բնութագրում ներկայումս ստեղծված մթնոլորտը, լավ, ինչքան կարելի է՞.... «հեսա- հեսա տներիս են հասնում», աշխատած գումարն անգամ չեք հասցնի ծախսել։

Աղբյուր` Փաստինֆո