Փաստ ինֆո

Ն․ Փաշինյանը Տավուշում հայտնել է, որ գյուղերի հանձնումը դեմարկացիայի և դելիմիտացիայի գործընթացի սկիզբն է։ Սակայն այդ գործընթացը նախատեսում է միջպետական, միջգերատեսչական հանձնաժողովների աշխատանք, որոնց պատասխանատուները երկու երկրների փոխվարչապետերն են։ Այս պահին, այդ հանձնաժողովները չեն աշխատում։ «Փաստjնֆոյի» եթերում ասել է ռազմական փորձագետ, պահեստազորի գնդապետ Հայկ Նահապետյանը։

Բանախոսի դիտարկմամբ, Փաշինյանը, մարդկանց վախեցնելով, ասեց, որ եթե չհանձնեն այդ տարածքները՝ Ադրբեջանը և Թուրքիան կհարձակվնեն։ Դա նշանակում է, որ ինքը արձանագրում է, թե այդ տարածքները Ադրբեջանինն են։ Նաև արձանագրում է, որ եթե գյուղացիները դեմ կանգնեն՝ դա Ադրբեջանին ռազմական գործողություններ սկսելու լեգիտիմ հիմք է տալու։ Փաշինյանը իր այդ հայտարարությամբ ինքն իրեն օրենքից և Սահմանադրությունից դուրս դրեց։

Փորձագետը նշում է, որ տարածքների հանձնումով թուլանում կամ խարխլվում է պաշտպանական բնագիծը։ Հակառակորդը ուղղակիորեն հայտնվում է Հայաստանը Վրաստանին կապող միջպետական ճանապարհի երկու հատվածում և այդ ճանապարհը այլևս չի աշխատելու։ Այդ տարածքներով անցնող գաղամուզը ևս հայտնվելու Ադրբեջանի վերահսկողության տակ։ Բացի այդ, մեր մի շարք բնակավայրեր, այդ թվում Կիրանցը, հայտնվում են թշնամու շրջափակման մեջ։

Ըստ Հ․ Նահապետյանի, Ֆրանսիայի միջնորդական առաքելությունը ձախողվել է, Ադրբեջանի նախագահը փաստացի խաբել է Մակրոնին։ Ֆրանսիան հրաշալի գիտեր, որ Ադրբեջանը չի ճանաչելու Հայաստանի տարածքային ամբողջականոթւյունը։ Նույն սցեները նաև Հայաստանի պարագայում է լինելու, ինչպես Արցախում եղավ․ մենք զիջելու ենք և դրա լավագույն դրսևորումը Տավուշի գյուղերի զիջումն է։

«Այն, ինչ հիմա կատարվում է Տավուշում, կարելի է ասել «Զանգեզուրի միջանցքի» բացման նախերգանքն է։ Այս դեպքում Ադրբեջանը փորձելու է գնահատել, թե ընդդիմադիրների, բնակիչների, բանակի սպաների դիմադրողականությունը որքան է։ Եթե դիմադրությունը թույլ եղավ՝ հաջորդ գործընթացները գնալու են «Զանգեզուրի միջանցքի» ուղղությամբ, այդ թվում, ռազմական ագրեսիան»,- ասել է Հ․ Նահապետյանը։

Մանրամասները՝ տեսանյութում։

Աղբյուր` Փաստինֆո