Փաստ ինֆո

Հայ ժողովուրդն իր ամբողջ ներուժով, ռազմաքաղաքական ունակություններով ի վիճակի է իր պաշտպանությունը, անվտանգությունը կազմակերպելու համար։ Այսօր տեղի ունեցած ճեպազրույցում հայտարարել է ՀՀ ԱԺ «Հայաստան» խմբակցության ղեկավար Սեյրան Օհանյանը՝ նշելով, որ դրա համար պետք է ազգային ներուժը համախմբել և ճիշտ օգտագործել։

Ընդդիմությունն այս տարիներիի ընթացում, ըստ նրա, անընդհատ ուշադրության կենտրոնում է պահել հատկապես ՀՀ անվտանգությունը, սահմանները, արտաքին քաղաքականության այն ուղղությունները, որոնք վերաբերում են, այսպես կոչված, խաղաղության օրակարգին, խաղաղության պայմանագրին, սահմանագծմանը,- նշել է Սեյրան Օհանյանը՝ ավելացնելով, որ ընդդիմությունն օգտագործում է ԱԺ-ի նաև իրենց վերապահված վերահսկելու գործիքակազմը ։

«ԱԺ-ն ունի իրավունք, գործիքակազմ վերահսկելու ՀՀ գործունեության բոլոր ոլորտները, ընդ որում նաև սահմանագծումը։ Ես այս հարցերը հնչեցվում են, բարձրաձայնվում են, իսկ տեղերում մեր պատգամավորները անընդհատ այցելում են սահմանամերձ բնակավայրեր, վաղը ես նույնպես այցելելում եմ։ Դա նշանակում է, մենք ուշադրության կենտրոնում ենք պահում, մեր սահմանային համայնքների, մեր բնակչության կողքին ենք»,- ասել է Ս. Օհանյանը՝ խոսելով ԱԺ-ի շրջանակներում իրականացվող աշխատանքների մասին։ Միաժամանակ նա նշել է, որ ԱԺ-ից դուրս եւս զգալի աշխատանք են իրականացնում։

«Այսօր մեծ գլոբալ վերագնահատում է ընթանում ՝ մեր ընդհանուր ներքին քաղաքկանությա,ն ռազմաքաղաքական իրավիճակի, դրանից բխող գործիքակազմը մենք ամբողջությամբ օգտագործելու ենք և ԱԺ-ում, եւ ԱԺ-ից դուրս՝ համապատասխան գործողություններով»,- հայտարարել է Օհանյանը։

Նա մանրամասնել է, որ ԱԺ-ից դուրս երկու ուղղությամբ են աշխատանքները տարվում, այն է՝ աշխատանք համակիրների հետ, սահմանային համայնքներումեւ ըստ անհրաժեշտության՝ փողոցային գործողություններ։
«Խաղաղության օրակարգով եկած իշխանությունը բերել է պատերազմ»,- նշեց նա՝ ուշադրություն հրավիրելով, որ Ադրբեջանը շարունակում է սադրանքները։

«Իշխանությունը եկել է Արցախի կայուն զարգացումն ապահովելու օրակարգով, բայց նրանց օրոք Արցախը հայաթափվել է, դա նշանակում է, որ այդ իշխանությունները կորցրել են իրենց լեգիտիմության աստիճանը»,- ասել է պաշտպանության նախկին նախարարը։

Այլեւս ոչ լեգիտիմ իշխանություններին հեռացնելու պայմաններց մեկը Օհանյանը տեսնում է ԱԺ-ից դուրս փողոցային պայքարի միջոցով։ «Ես կոչ կանեի, որ ընդդիմադիր ամբողջ հատվածը, բոլոր քաղաքական ուժերը գտնեն համագործակցության եզրեր և իրենց գործունեությունը շարունակեն այդ ուղղությամբ»,- ասել է Օհանյանը։

Աղբյուր` Փաստինֆո