Փաստ ինֆո

ՆԱՏՕ-Ի համար, կարծես թե, գլխավոր գործընկեր դառնում է Ադրբեջանը։ Այսպիսի եզրակացության է եկել միջազգայնագետԳրիգոր Բալասանյանը՝ «Փաստինֆո»-ի եթերում  վերլուծելով ՆԱՏՕ-ի գլխավոր գլխավոր քարտուղար Ստոլնտենբերգի` Հարավային Կովկաս կատարած այցն ու Բաքվում, Թբիլիսիում, Երեւանում հնչեցրած հայտարարությունները։

«Ստոլնտենբերգը Բաքվում անում է հայտարարություններ, որոնք չի անում Հայաստանում կամ Վրաստանում, թեև Հարավային Կովկասի 3 երկրները միաժամանակ են սկսել մասնակցել «Գործընկերություն հանուն խաղաղության» ՆԱՏՕ ծրագրին, ավելին՝ Վրաստանն էլ ավելի է խորացրել համագործակցությունը՝ մասնակցելով ՆԱՏՕ-ի մի քանի զորավարժությունների։ Ստոլտեմբերգը Ադրբեջանում հայտարարում է, որ Ադրբեջանը համարում է ՆԱՏՕ-ի դաշնակիցը մի երեւույթ, որը երբեք չի եղել ՆԱՏՕ-ի որևիցե այլ քարտուղարի օրոք»,- այս մասին ասել է Գ.Բալասանյանը։

Միջազգայնագետն արձանագրել է, որ ՆԱՏՕ-ի անդամ մի շարք երկրնեի Ադրբեջանը գազ է մատակարարում և Ստոլնտենբերգի հիմնական խնդիրն է՝ ապահովել էներգակիրների անխափան մատակարարումը դեպի Եվրոպա։
«Դրանից հետո Հայաստանում Ստոլտեմբերգն անում է բոլորովին այլ, վտանգավոր հայտարարություն, որը չի արել Ադրբեջանում՝ կապված Ուկրաինայի հետ, թեև Ադրբեջանը 2022 թվականի փետրվարի 24-ից, ռազմական գործողության սկսելուց ի վեր, բավականին ակտիվ աջակցություն է ցուցաբերել Ուկրաինային ոչ միայն զինտեխնիկայի ու դեղորայքի առումով, այլև կամավորականներ կամ վարձկաններ են այնտեղ կռվում։ Զարմանալիորեն Ուկրաինայի մասին Ստոլտեմբերգը հիշում է Հայաստանում՝ նշելով, որ ՆԱՏՕ-ի համար կարևոր է Ուկրաինայի նկատմամբ Հայաստանի դիրքորոշումը և որ ավելի կարևոր է , որ Հայաստանը պետք է միանա Պուտինի դեմ պայքարին , ինչպես ինքն է նշում՝ ամեն ինչ անի, որպեսզի Պուտինը չհաղթի Ուկրաինայի ճակատում։ Այս հայտարարության մասին ոչ մի բացատրություն դեռևս չի տրվել ՀՀ արտգործնախարարության կողմից»,- արձանագրել է Բալասանյանը։

Ըստ նրա՝ ՆԱՏՕ-ի գլխավոր քարտուղարի այցը բավականին լուրջ հետևանքներ կարող է ունենալ ՌԴ-ի, Իրանի հետ հարաբերություններում։ «Հայաստանում այդ այցի ժամանակ չի խոսվել ՀՀ-ի համար կարևոր հարցերի մասին։ ՉԻ նշվել, որ լրանում է 30 տարին, ինչ Հայաստանը մասնակցում է «Գործընկերություն հանուն խաղաղության» ծրագրին, որ այդքան ժամանակահատվածում Հայաստանը խաղաղապահ գումարտակի կազմով եղել է և՛ Կոսովոյում, և՛ Աֆղանստանում, և՛ Իրաքում և այս առումով Հայաստանը ՆԱՏՕ-ի համար հուսալի գործընկեր է։ Սրա փոխարեն արվում են հայտարարություններ, որոնք վատ և վտանգավոր դրության մեջ են դնում Հայաստանինին։ Հայաստանն ամեն ինչ պետք է անի , որպեսզի խուսափի իր տարածքում աշխարհաքաղաքական բևեռների բախումներից»,- նշել է Բալասանյանը։

Մանրամասները՝ տեսանյութում։

Աղբյուր` Փաստինֆո