Փաստ ինֆո

Այսօր իրատեսական հույս անձամբ ես չունեմ Արցախ վերադառնալու, բայց դա չի նշանակում, որ մենք պետք է փակենք թեման, դա չի նշանակում, որ ՀՀ-ն Ադրբեջանի հետ բանակցություններում Արցախի ժողովրդի լեգիտիմ վերադարձի մասին չպետք է խոսի։ Այս մասին հայտարարել է Արցախի ՄԻՊ Գեղամ Ստեփանյանը։

«Առանց իրավունքների պաշտպանության և առանց այն տեսլականի, որ Արցախում եղած ժամանակ բարձրաձայում էինք վերադարձը մեծ հաշվով հնարավոր չէ» , - նշել է Գեղամ Ստեփանյանը։

«Հենց անվտանգային հարցերը չլուծելու պատճառով էլ 4 -5 օրվա ընթացքում մարդիկ թողեցին ու դուրս եկան իրենց տներից։ Կարճաժամկետ, եթե նայում ենք իրատեսական հույս ունենալ վերադարձի մասով այս պահին անձամբ ես չունեմ, բայց դա չի նշանակում, որ մենք պետք է փակենք թեման, դա չի նշանակում, որ ՀՀ-ն Ադրբեջանի հետ բանակցություններում Արցախի ժողովրդի լեգիտիմ վերադարձի մասին չպետք է խոսի, մանավանդ, որ ընդամենը օրեր առաջ Եվրոպական խորհրդարանի կողմից ընդունված բանաձևի 14-րդ կետը հստակ խոսում է դրա մասին, որ Ադրբեջանի իշխանությունները պետք է ներգրավեն Լեռնային Ղարաբաղի ներկայացուցիչներին արժանապատիվ վերադարձի և անվտանգության մասով» ,- նշել է Ստեփանյանը ու ավելացրել , որ հեծանիվ չեն հնարում։

Նրա փոխանցմամբ՝ կան միջազգային մեխանիզմեր, որոնք տարբեր հակամարտությունների ժամանակ կիրառվում են, որոնք Արցախի դեպքում չեն կիրառվել։ «Կարծում եմ, որ հնարավոր կլինի վերադարձը , և դա այն դեպքում եթե Ադրբեջանը էֆեկտիվ վերահսկողություն չունենա Արցախի նկատմամբ» , - նշել է պաշտպանը։

Աղբյուր` Փաստինֆո