Փաստ ինֆո

Խաղաղության պայմանագիրն ստորագրում են թշնամու հողում, երբ դու հաղթող կեղմ ես լինում և թշնամու հողում կնքում ես խաղաղոթւյան պայմանագիր, այս նսեմացած վիճակում, պարտված վիճակում խաղաղության պայմանագիր կնքելը կնշանակի բոլոր խաղաքարերը տալ Ադրբեջանի և Թուրքիայի ձեռքը։ «Փաստինֆոյի» հետ զրույցում ասաց Միլիցիայի հատուկ նշանակության ջոկատի վետերանների միության նախագահ Գրիշա Սարգսյանը՝ արձանագրելով, որ խաղաղությունը չեն մուրում, պարտադրում են ուժով՝ թշնամու հողում, իսկ մենք հիմա մուրում ենք։

Նշենք, որ նախօրեին Նիկոլ Փաշինյան գնացել էր Տավուշ՝ համոզելու սահմանամերձ գյուղերի բնակիչներին, որ չընդդիմանան Ադրբեջանի պահանջած գյուղերը հանձնելու գործընթացին՝ նշելով, թե չհանձնելու դեպքում մինչեւ շաբաթվա վերջ պատերազմ կլինի։

Դիտարկմանը, թե Փաշինյանն ասում է, որ մեր բանակը թույլ է և չի կարող հաղթել ՝Գ. Սարգսյանը արձագանքեց. «Գլուխը պատին են տվել ասողները, մենք ունենք կամքի ուժ, հզորություն, դուխ, մեր բանակը պատրաստ է։ Մենք էլ կանգնած ենք մեր բանակի կողքին։ Նման բան ասողները դավաճաններ են, երկրի թշնամիներն են, ներքին տականքներն են։ Մեր բանակը մարտունակ է ու մենք այսօր կարող ենք պաշտպանել Հայաստանի ինքնիշխան տարածքը ինտերվենտներից, կոտրենք ու ջարդենք»։

Հարցին, թե ինչու են որոշել սահմանազատումն սկսել Տավուշից՝ նա պատասխանեց, որ սահմանազատման ու սահմանագծման հանձնաժողովը ներքին համաձայնության է եկել, որ կարող են ինչ-որ անկլավներ տալ։ «Դա միայն իրենց «էշ պատկերացումն է», նման բան չի լինելու։ Եթե մենք տանք այդ գյուղերը՝ փակում ենք Երևան-Թբիլիսի ճանապարհը, փակում ենք Իջևան-Նոյեմբերյան ճանապարհը և այնտեղի բնակչությանը զրկում ենք հայրենիքի հետ կապից։ Նման բան չի լինելու»։

Դիտարկմանը, թե Ոսկեպարի բնակիչները խոսում են ինքնապաշտպանության մասին՝ նա ընդգծեց, որ Ոսկեպարը մենակ չի կարող ինքնապաշտպանվել։

«1991 թ-ի Միլիցիայի հատուկ նշանակության ջոկատները մարտնչում էին հենց Ոսկեպարում, ռուսական զորքը՝ տեսնելով մեր առաջխաղացումը ու հասկանալով, որ մենք կարող ենք հասնել մինչև Կիրովաբադ՝ Ոսկեպարի կամրջի վրա 75 միլիցիայի աշխպատողների ձերբակալեց ու գերի հանձնեց ադրբեջանական ՕՄՕՆ-ին, 13 միլիցիայի աշխատողի էլ գնդակահարեց։ Գերիներին հետո փոխանակմամբ վերադարձրեցինք։ Ասածս այն է, որ մենք այդ տարածքում մարտնչել ենք, ու հիմա էլ պատրաստ ենք պաշտպանել Տավուշն ու Տավուշի գյուղերը։ Կարծում եմ, խոսքը միայն մեր մասին չէ, բոլոր ջոկատների մասին է, ամբողջ ազգը պետք է կանգնի։ Ես ու իմ ջոկատը, որ հիմա այլ վայրում մարտական հերթապահություն են իրականացնում, եթե կարիք լինի՝ իմ գլխավորությամբ կուղղվենք Ոսկեպար։ Մենք հաղթելու ենք ու ոչ միայն Տավուշում, նաև Սյունքին ենք ազատագրելու»,- նշեց նա։

Աղբյուր` Փաստինֆո